安平燒肉

營業中

休息中

終於可以預約到安平燒肉，喺網上一直睇到有好多個留言都話高質抵食，今日終於一賞心願，所以我決定order 最貴嘅澳洲M5和牛套餐，連加一每人平均消費大約係港幣$379一位。首先講吓餐廳嘅環境，今日因為我哋食5:00pm所以可以早少少入去就俾咗張卡位我哋，所以都坐得好舒服。至於食物方面其實種類都算多，不過質素就唔係我所想，唔知係咪因為喺網上啲人評價得實在太高呢？不過以任食來講都可以收貨。最令我印象深刻係個豬腸真係要洗乾淨啲食嘅時候仲有啲味道，所以我咬咗一啖就成碟都唔要啦，另外佢嗰個櫻花撈飯，啲配菜同醬汁都可以，但係個飯就有啲😅強差人意。而最有驚喜嘅呢反而係個麻薯脆脆地又幾好味喎，甜品亦都有驚喜。至於服務方面員工都係有禮貌,係值得嘅加分👍🏻。總括而言，如果從來冇試過可以一試，但係如果真係想食好食嘅燒肉，我個人就覺得可以去返去返韓國燒烤會好啲。以上純粹個人意見😉