小城大廚

營業中

休息中

小城大廚觀塘成業街19-21 號成業工業大廈地下3號舖小城大廚我知香港已開了幾間了，一知官塘有間新開張，今天就帶媽媽一起去光顧，好方便，由觀塘地鐵站B2出口，行4-5分鐘就到了。這間餐廳比我第一眼，好大，好舒服，由下單到上菜，  侍應生好合作，裝食物的餐碟設計簡單又精緻，最緊要的廚師功力深厚，小炒王好好食，客家咸香雞無得頂，我極力推介，今天亞媽真有口褔👍招牌小炒皇 $128小炒皇，大家都知材料，這間材料有腰果 蝦仁 好大粒蝦乾 韭菜 菜甫 魷魚 銀魚乾，炒得好好味，菜甫味道剛剛好，小炒王調配的味道好好味，又有咬口，腰果又香口，我媽媽最後食清光，極力推介來這間餐廳，一定要試試👍客家鹹香雞 半隻 $170因為媽媽喜歡食雞，叫了半隻，真是名副其實鹹香，好入味，又唔肥，食雞的薑蓉更加正，食到津津有味，今晚有口褔，回味無窮，必食推介👍紅燒乳鴿 2隻 $76乳鴿無油淋淋，不是炸過那感覺，食落不會熱氣，大細适中，每隻$38好低食。客家香煎蠔仔餅 $108可能太飽了，食煎蠔餅覺得粉漿多左，也無特別，但不會太多油，普普通通。無加一服務費，茶芥每位 $8，下次再去試其它菜式。