潮龍園

營業中

休息中

本人十分喜愛食牛腩，不論清湯腩，炆牛腩，潮式，牛記，大利，華姐....都食過不下數十次！而近期大力鼓吹嘅肥牛牛腩(扇古)我亦想試下，希望有人可以推介比我去試下！今次嚟到太子嘅潮龍園，不像其他潮式麵店裝修簡單，呢度就滿佈自家食品嘅燈箱，感覺有點新式！今次order 左佢地招牌貨一一崩沙腩，加碟付乳通才，凍奶茶！崩沙腩，相信用清湯方式煮成，質感好爽，有層軟骨中間，亦有少少肥油，唔鞋口，唔似湯渣，是我覺得值得去試嘅崩沙腩，不過，湯底唔夠牛湯，比較淡，亦多油！如果十分滿分，我會比七分，呢七分係全部比崩沙腩！付乳通菜，烚得似乎未夠時間！奶茶係我至會，但呢度麻麻！我大約二點度，見到都幾多人，多人走，多人入；都幾迫下！呢度最大問題係，地下都有D滑，加上我嗰日著波鞋，行得有少少困難，各位小心！最後有點感觸，就係對牛腩店鋪嘅期望，希望每個地方都有，甚至全港每區都要至少二至三間，因為牛腩麵鋪係香港是一種情懷，一份心血，一種對抗！對抗？冇錯，因為呢種鋪頭對市民，對打工仔來說，是好緊要的！無論經濟如何，呢種鋪頭加價都不會多，不過，現今社會發展迅速，很多有獨特嘅商戶都敵不過大財團，唯獨牛腩麵鋪還可以堅守到現在！