影片
更多
2023-10-31
918 瀏覽
Carprice 5-courses lunch set ($1198/pp)前菜為鴨肝酥配無花果肉醬，鴨肝香而唔騷，食到中間覺得膩可沾無花果醬換一換口味，酥皮唔油偏硬身，配上鴨肝慕絲非常夾第一道菜為蘭度豆濃湯伴法國藍蝦泡沫與其話佢係一碗湯，不如話佢味道同口感係一碗未經開水既家樂牌蝦味濃湯寶，又杰又咸 ...朋友叫既忌廉洋蔥湯相對正常好多，上層好似雪芭既洋蔥忌廉同芝士脆片配上熱乎乎既洋蔥湯，冰火相融，有意外驚喜第二道菜為鱈魚扒配藏紅花汁加蕃茄泥，烹調時間啱啱好，魚肉質感富有彈性多汁唔老，但略嫌個茄泥side dish 太濃味跟鮮甜既魚肉唔夾，不過呢啲都係我主觀感受，事關朋友意見跟我相反第三道菜為鴿肉配白豆💔實際用咩唔太清楚，侍應上左菜後直接走人無介紹但味道而言必定高潮部分，鴿肉鮮嫩，脂香回味，配汁個肉汁食到唔停口甜品為朱古力香蕉雪芭可能佢想表現新鮮香蕉肉既甜，但顯得朱古力雪芭又酸又苦，而底層既香蕉蛋糕有好重精油味，我食左一啖吐返出黎其餘餐後甜品亦有酸爆忌廉泡芙同苺撻 仲有正常地好食既普通朱古力作結至於服務方面，我好少會特登開一part黎講，因為貴為米芝蓮fine dine 餐廳服務好同
前菜為鴨肝酥配無花果肉醬，鴨肝香而唔騷，食到中間覺得膩可沾無花果醬換一換口味，酥皮唔油偏硬身，配上鴨肝慕絲非常夾
第一道菜為蘭度豆濃湯伴法國藍蝦泡沫
與其話佢係一碗湯，不如話佢味道同口感係一碗未經開水既家樂牌蝦味濃湯寶，又杰又咸 ...
朋友叫既忌廉洋蔥湯相對正常好多，上層好似雪芭既洋蔥忌廉同芝士脆片配上熱乎乎既洋蔥湯，冰火相融，有意外驚喜
第二道菜為鱈魚扒配藏紅花汁加蕃茄泥，
烹調時間啱啱好，魚肉質感富有彈性多汁唔老，但略嫌個茄泥side dish 太濃味跟鮮甜既魚肉唔夾，不過呢啲都係我主觀感受，事關朋友意見跟我相反
第三道菜為鴿肉配白豆
💔實際用咩唔太清楚，侍應上左菜後直接走人無介紹
但味道而言必定高潮部分，鴿肉鮮嫩，脂香回味，配汁個肉汁食到唔停口
甜品為朱古力香蕉雪芭
可能佢想表現新鮮香蕉肉既甜，但顯得朱古力雪芭又酸又苦，而底層既香蕉蛋糕有好重精油味，我食左一啖吐返出黎
其餘餐後甜品亦有酸爆忌廉泡芙同苺撻 仲有正常地好食既普通朱古力作結
至於服務方面，我好少會特登開一part黎講，因為貴為米芝蓮fine dine 餐廳服務好同細心係必須。可能當日我放工book 得好急同著住好頹既放工衫用膳，加上我冇點酒同額外餐，🥵男侍應都對我無好面色，對我呢枱唔瞅唔睬既服務態度同隔離枱既殷勤有好大對比。佢都知我淨係對鴿肉有興趣先夠膽彈過黎問呢到啲野好唔好食，而我中途想去洗手間佢竟然直接指我自己去而唔帶路，真心呆左，另外埋單時我唔想俾人知我一個女人俾晒成張單，我偷偷地將張卡俾我朋友碌，點知個男侍應勁大聲問佢係咪肯定用xxx 小姐張卡俾錢cls, 而且埋單仍然唔送客。貴為3星米芝蓮餐廳原來d 侍應係咁白鴿眼，真心刷新我認知😅
食物 3.7/5
環境 4/5
衛生 4/5
服務 2.5/5
抵食 3/5
張貼
