影片
更多
2020-07-07
1558 瀏覽
阿媽成日都話要食任食，今次佢開聲話想食「德福閣」嘅自助餐，皆因為價錢夠抵，每位三百蚊唔洗就有交易😳！我哋食晚上八點鐘嗰轉，折實後每人$294，餐廳坐滿九成人。事不宜遲即刻行個圈睇下有乜好食，食物種類正常，唔算特別多或少，放置食物嘅位置比較集中，方便客人。而且整體上都算乾淨、企理👍！首先，全餐最回本一定係食松葉蟹腳🦀，蟹腳大部份都好長，隻碟都放唔哂。本身有啲擔心會唔會無味，但食落鹹鹹哋，都幾鮮味下。用鉸剪剪開蟹殼後，就可以大大啖咁食成條真·蟹柳，正！我哋拎咗三轉蟹腳，所以我可以證明餐廳真係會不斷補充食物。但如果新一轉食物未出嚟嘅時候，蟹腳就會比較短同細隻🙈。除咗蟹腳外，海鮮類仲有法國羔蟹、藍青口同凍蝦。同時，🍣刺身類亦有四款，包括呑拿魚、八爪魚同鯖魚等。聽講之前有生蠔同三文魚食添，但我唔食蠔，對我無乜影響。蟹腳以外，即焗法式田螺🐚又係另一必食之選。我同呀媽可能每人食咗成十隻都有，熱辣辣焗起真係好好食，而且下低仲墊咗少少薯蓉，滋味無窮😋。烤紐西蘭肉眼，依個係酒店自助餐常見嘅項目，可能餐廳細嘅關係，所以就無個👨🏼🍳廚師長期幢喺度切俾你。反而佢係間唔時切定幾塊放喺度俾客人自取。肉眼大大塊🥩，
事不宜遲即刻行個圈睇下有乜好食，食物種類正常，唔算特別多或少，放置食物嘅位置比較集中，方便客人。而且整體上都算乾淨、企理👍！
首先，全餐最回本一定係食松葉蟹腳🦀，蟹腳大部份都好長，隻碟都放唔哂。本身有啲擔心會唔會無味，但食落鹹鹹哋，都幾鮮味下。用鉸剪剪開蟹殼後，就可以大大啖咁食成條真·蟹柳，正！
松葉蟹腳
17 瀏覽
0 讚好
0 留言
除咗蟹腳外，海鮮類仲有法國羔蟹、藍青口同凍蝦。同時，🍣刺身類亦有四款，包括呑拿魚、八爪魚同鯖魚等。聽講之前有生蠔同三文魚食添，但我唔食蠔，對我無乜影響。
即焗法式田螺
15 瀏覽
1 讚好
0 留言
烤紐西蘭肉眼，依個係酒店自助餐常見嘅項目，可能餐廳細嘅關係，所以就無個👨🏼🍳廚師長期幢喺度切俾你。反而佢係間唔時切定幾塊放喺度俾客人自取。
肉眼大大塊🥩，厚薄適中，味道就OK啦。睇落塊肉個樣中間位置就好似比較生，但食落又無咁嘅感覺，而且肉質唔韌，幾好。
唔知係咪疫情關係，除咗自取食物外，餐廳仲設有三張點餐紙，包括餐前小食同熱盤🥘。
日式蟹籽冷麵
46 瀏覽
0 讚好
0 留言
照燒珍珠筍同日式貴妃鮑片，依兩樣味道正正常常，唔飽肚的，所以可以一試😉。
吉列虎蝦
12 瀏覽
0 讚好
0 留言
焗酥皮海鮮盅，迷你酥皮湯份量剛好，唔會滯住個肚，加上酥皮新鮮焗起，夠脆🥐，值得一試！
我哋仲食咗三巴汁炒蜆、韓式煎豬腩、蒜香七味煎牛脷同海南雞。🐔海南雞其實幾好味，每份有四件，但有機會生生地，我哋換咗一次！🐷豬腩肉同牛脷係燒物，都唔錯喎，其中前者仲好大塊。炒蜆就一般。
至於全晚最不推介嘅係洋蔥煙肉焗青口同忌廉及鮮茄芝士焗蠔...，因為唔夠熱，調味又麻麻。我建議留肚食其他😝。
肚皮有限，如果大食者可以食蒸飯或者炒麵。另外，仲有個師傅幫你煮喇沙湯麵🍜。呀媽食咗皮蛋瘦肉粥話好正，皮蛋煲到溶哂，粥底夠線，但我無影到相。
食完正餐後，就到甜品項目，選擇都算幾多下！杯裝雪糕、各類切餅、布甸果凍、法式薄餅、楊枝金露、豆腐花等，通通都有，花多眼亂✨。
甜品
71 瀏覽
0 讚好
0 留言
即焗梳乎厘
20 瀏覽
0 讚好
0 留言
黑豆豆腐花
22 瀏覽
0 讚好
0 留言
由於太飽，我無食到法式薄餅，不過好似都唔錯喎。因為有個師傅即場整比你食，感覺高級咗哈哈🥞。
最後就係飲品角落，我比較欣賞係有枝裝汽水🥤。有好多其他自助餐汽水都係收費項目，但依到任飲。一人飲枝可樂，滿足哂😎！
總括嚟講，我認為德福閣嘅自助餐絕對對得住個價錢有餘。本身見價錢仲平過日式放題，真係不敢抱太大期望🙊，點知而家有點喜出望外呢。食物質素唔錯，又會不停補充，環境同服務都算係咁。如果真係求回本的話，就喪食松葉蟹腳吧！好似我哋隔離枱咁，每人食咗三十隻走唔甩，哈哈😄。
張貼
