海南少爺 (已結業)

今日黎到海港城既海南少爺，見到有好少見既黑豉油雞，即刻就決定入去試下！餐廳既位置好闊落，而且座位舒服，無論同情人定一班朋友都好啱黎聚餐。每檯都會有熱既荔枝茶，有獨特既香氣之餘仲可以解油膩添！✨海南雞飯配肉骨茶雞肉皮爽，肉質鮮嫩滑溜，以入口即化，配上秘製既雞油薑蓉和醬汁，超級惹味。而油飯香氣四溢，口感豐富，令人不知不覺咁食哂！而肉骨茶係偏馬來西亞個邊，加入左好多種香料和中藥，而個湯用豬骨煮製，成個湯頭味道更加鮮美。✨古法黑豉油雞飯黑豉油雞上色均勻，有好靚既咖啡色，雞肉十分嫩滑而且夠入味，帶黑豉油獨特嘅鹹香同少少甜味。最正既係豉油雞有雞髀部分，夠哂滑，而且份量都好多！✨滷水鹹豬手豬手皮軟肉嫩，口感豐富，滷汁既味道香濃可口。而滷水鹹豬手旁邊仲有好多滷水花生，煮到稔哂又夠入味。畫龍點睛既地方係仲有甜甜地既咸酸菜，去哂油膩感覺，令人感覺清新。✨鹹蛋黃鮮魷魚鮮魷魚外層既炸漿唔算好厚，但炸到好脆，而入面既鮮魷魚好新鮮爽口。外層掛住既鹹蛋黃醬汁超級香口惹味，令人一啖接住一啖！