影片
更多
2024-07-06
2181 瀏覽
生意難做，尤其近年經濟差，如果唔係真係太差，都唔會寫負評，但係今次真係想同大家真實分享呢餐飯嘅用餐體驗事源我媽想約奶奶飲茶，所以我openrice 下有得book 檯嘅荃灣酒樓，見到呢間有200幾個好評，仲有不限時小炒點心任食，好似幾抵食打電話book 檯，店員話要6-8個以上先可以book，不過今次我地5個都照幫我地留檯，感謝因為睇其他人食評都預左環境比較差，點知搭電梯上到酒樓都幾驚喜，估唔到係間有足夠冷氣嘅酒樓，第一印象唔錯$168（+10%）可以揀火鍋+點心任食，或者小炒+點心任食，前者包野飲任飲，後者任飲則要另加$10，我地選擇唔加任飲，飲茶就夠佢勝在每碟份量唔多，所以我地都真係叫左好多野食黎試，一開頭叫左d個名望落好好味嘅小炒：- 京蔥爆牛肉- 上海炒排骨- 北京黑醋骨- 花雕醉雞- 蜜汁叉燒- 京醬炒蝦仁第一碟上嘅菜係京醬炒蝦仁，可能我哋都覺得肚餓，覺得d蝦雖然鹹，但係無乜雪味，所以覺得佢處理得幾好，唔錯之後其他餸開始逐碟送到，大家開始食到笑，即使每一碟都有用唔同嘅醬料去炒，但係每一碟嘅肉都係同一個單純嘅海鹽醃過嘅鹹味，加上可能我地食得多，開始覺得d鹽味越黎越出，越食越鹹（
事源我媽想約奶奶飲茶，所以我openrice 下有得book 檯嘅荃灣酒樓，見到呢間有200幾個好評，仲有不限時小炒點心任食，好似幾抵食
打電話book 檯，店員話要6-8個以上先可以book，不過今次我地5個都照幫我地留檯，感謝
因為睇其他人食評都預左環境比較差，點知搭電梯上到酒樓都幾驚喜，估唔到係間有足夠冷氣嘅酒樓，第一印象唔錯
$168（+10%）可以揀火鍋+點心任食，或者小炒+點心任食，前者包野飲任飲，後者任飲則要另加$10，我地選擇唔加任飲，飲茶就夠
佢勝在每碟份量唔多，所以我地都真係叫左好多野食黎試，一開頭叫左d個名望落好好味嘅小炒：
- 京蔥爆牛肉
- 上海炒排骨
- 北京黑醋骨
- 花雕醉雞
- 蜜汁叉燒
- 京醬炒蝦仁
第一碟上嘅菜係京醬炒蝦仁，可能我哋都覺得肚餓，覺得d蝦雖然鹹，但係無乜雪味，所以覺得佢處理得幾好，唔錯
之後其他餸開始逐碟送到，大家開始食到笑，即使每一碟都有用唔同嘅醬料去炒，但係每一碟嘅肉都係同一個單純嘅海鹽醃過嘅鹹味，加上可能我地食得多，開始覺得d鹽味越黎越出，越食越鹹（除咗碟花雕醉雞的確係冇咁鹹，花雕味亦好出，但係d雞肉好霉），叉燒就切到好薄咁上，每片約0.5 cm厚，重點係非常瘦（健康），亦相對冇咁鹹
我媽覺得係我唔識點菜，同埋可能係d肉類煮得唔好，所以佢決定試下炒斑球，呢碟同鹹魚距離不遠，重鹽醃過嘅魚
小炒類可以一試嘅菜單：
- 白灼菜苗（西生菜）
- 賽螃蟹（其實唔應該歸類為海產豆腐類，因為只係單純炒蛋白）
點心方面，佢的確好足料，蝦餃同燒賣好impress 我地，蝦餃層皮雖然唔係薄，但係入面有3隻完整嘅蝦，燒賣都有一隻蝦，的確係非常足料，但係所有點心都係離唔開個鹹字
可以一試嘅點心：
- 炸饅頭：唔係好，但係不過不失
- 蒸饅頭：最正常
- 芋絲炸春卷：唔錯，即使擺到凍咗，春卷皮都仲係脆嘅
- 小籠包我冇食，聽爸爸講就唔係好食嘅，不過入面真係好多湯
- 蒸排骨同d小炒嘅肉一樣用鹽醃過（不過食落冇小炒咁鹹）
- 流沙包：個流沙醬係偏向奶皇包嘅味，即使凍咗都仲流嘅，對得住佢個名
- 叉燒包：聽媽媽講似乎OK，我睇個包都多叉燒汁，應該唔會太嚡口
可以省略嘅點心：
- 蘿蔔絲酥餅：個皮一d都唔酥軟，係厚實唔脆嘅皮
- 馬拉糕：好恐怖，完全唔係馬拉糕，我印象中馬拉糕應該係鬆軟嘅蒸蛋糕，但佢呢個係由三層厚實、冇發到嘅麵粉組合而成嘅，仲要唔知係因為落咗發粉 / 梳打粉，好大陣鹼水味，同雞蛋味撈埋一齊
甜品試左椰汁馬豆糕拼桂花糕：桂花糕不過不失，椰汁糕一咬落去，我又係笑咗，沙冰嘅口感，d冰融緊
其他自取菜式，eg 老火湯、酸辣羹、紅豆沙，有見過佢擺喺廚房對出走廊嘅自取區，但係冇冚蓋，店員初初話遲d會搬出嚟俾大家自己裝，但係後尾直程唔見咗
樓面非常唔夠人，落單要自己去搵服務員，食完嘅碟要等好耐先有人黎收一轉，茶都自己去水機斟，基本上係自助服務形式，不過呢d都唔係問題
總結今餐，連我老公一向對食冇乜要求，都話呢間冇下次，而我作為安排飯局嘅人，覺得非常之抱歉，要長輩食d咁難食嘅嘢，另一邊廂亦覺得，好好地一件食物整到咁難食，好浪費食物
對店家好抱歉，但我真係唔明200幾個好評係點得黎
5 瀏覽
0 讚好
0 留言
5 瀏覽
0 讚好
0 留言
5 瀏覽
0 讚好
0 留言
張貼
