常滿百家菜

營業中

休息中

收工打算同個朋友飲夜茶， 朋友有間好嘢推介， 佢話又有得食點心又可以打埋邊爐，仲要好抵食， 任飲任食冇限時。呢到好中式茶樓feel，咁夜都咁多食客，都坐滿咗8/9成。乜嘢都係自助嘅，坐低即刻調返個醬料先，呢啲都係基本嘢，重點係佢有桶自製豆腐花，仲有黃糖可以自己落，豆香十足，好滑。火鍋配料主要都喺自助區 自提自取，有部分可以用紙落單，選擇都幾多，除咗一般嘅丸類/蔬菜之外，我覺得佢嘅牛舌/海蝦/魚頭，都很新鮮值得一食。選擇真係包羅萬有，一定要留肚，食多啲，冇限時嘅火鍋點心放題，回本冇難度。海蝦還是活的，好生猛。不得不提呢到嘅點心，全部即點即蒸，蝦餃/燒賣勁出色，餡料真材實料，好巨型。炸饅頭都係即叫即炸 入口嘅時候熱辣辣，配埋煉奶係最佳配搭。飲品竟然有一支支嘅玻璃樽汽水提供， 好耐都未飲過玻璃樽嘅汽水，好夠氣，凍冰冰，好爽。 啤酒都係無限量供應，任飲的。甜品方面有自家製糕點及啫哩，仲有一杯杯唔同口味嘅雪糕提供。

《無限時火鍋點心放題❤️》———————————————-#常滿百家菜 😍-呢間火鍋加點心放題冇限時好吸引，可以任食唔嬲，非常豐富😚而且性價比十足，二百幾蚊就可以揀超過20款點心，放題嘅質素亦都好唔錯😌-火鍋幫我打我訂咗豬骨湯，味道清甜～肥牛油脂分布均勻，肉香濃郁🐮另外我哋仲嗌咗豚肉片同墨魚丸，豚肉片嘅肥瘦適中，食落無羶味，幾唔錯～-自助區亦都有唔少火鍋配料同小食，例如有串燒、麻辣紅腸、碗仔翅等等，啤酒汽水支裝維他奶都係任飲😝甜品仲可以任食雪糕同豆腐花😎-除咗打邊爐，即蒸點心係另一個賣點⭐️小籠包皮薄餡靚，燒賣口感爽彈，鳳爪味道濃郁，食唔停口😊-⭐️價錢參考：（另收加一）晚市：$215🍌抵deal 指數：7/10

今時今日傳統酒樓式打邊爐已經係賣少見少但呢間 常滿百家菜 除左有港式火鍋任食仲有點心任食! 岩晒三心兩意嘅為食仔~🤭先講點心，燒賣蝦餃必須叫款式以任食黎講真係幾多，淨係食點心其實都幾滿足😋特別一讚佢地點心既size係異常地大粒🤯一粒蝦餃係足足有2-3隻蝦!就連燒賣都有大大隻蝦係入面唔怕蝕本，最怕你唔食!🤣味道就同大眾酒樓差不多，贏左個身形夠大~火鍋湯底就揀左豬骨同沙嗲港式味道就係湯底唔會勁濃咁搶左食材既味道!火鍋配少就貴精不貴多，牛肉、牛舌、滑牛都係推薦唔係個種只見肥膏既牛肉抵讚👍🏻👍🏻行出外面仲有啲丸類、蔬菜，其實都足夠選擇!要有嘅都有，恰到好處另外仲有啲熟食、甜品豬腳薑係酒樓代表，好淋好入味甜品有中式糖水、糕點、豆腐花同雪糕紫米露 同 桂花糕 超好味滿分推薦~😍雖然味道唔係話最好，坊間太多唔同種類同選擇但佢係有種情懷，一種傳統酒樓風味!🥰

之前食過火鍋點心放題都心中有數，今次陪朋友夜晚去食點心小菜放題。每位會送一隻鮑魚同雙皮奶。去到想加任飲要每位比12蚊，其實有茶供應，但要自己問職員。叉燒同樟茶鴨都好伏，樟茶鴨上枱好似餸頭餸尾咁。蠔仔粥完全無味，炒斑塊雪味好勁，個汁杰度十足。最後食個舊桂花糕，個底有兩粒不知明黑色野，職員過黎收走之後就咩都無講過😂佢啲點心唔算差，特別係有蝦個啲，蝦既份量係十足既。仲有蒸魚頭都唔錯。其實200幾蚊黎講，都算多野食，希望常滿可以改善下啦。

✧ 成人火鍋餐 ($215) 任食兩粒鐘包埋廿幾款靚料 湯底轉咗人氣椰子雞鍋 椰青水清甜雞件嫩滑冇雪味 滾起先飲碗湯滋潤到入肺 ✧ 安格斯肥牛 雪花紋理靚過超市買 椰子湯底灼完帶淡淡椰香 油脂甘香反而更突出 ✧ 手打丸 蝦丸彈牙墨魚丸咬到粒粒墨魚粒 手打果然同機製兩回事 ✧ 游水海蝦 上枱仲識郁夠晒生猛 椰湯灼蝦鮮甜度爆燈 蝦頭爆膏混合椰香 海鮮控必試新派食法 ✧ 脆肉鯇魚片 切到薄透灼十秒即食 魚肉爽脆浸完椰湯帶甜 ✧ 田園蔬菜吧 淥完啲肉梗係要食返啲菜啦平衡一下呢度嘅種類多到數唔晒有生菜 菜心 唐生菜金菇 冬菇 秀珍菇好爽口而且每樣蔬菜都好新鮮除此之外仲有公仔麵同烏冬 都好滑溜索晒啲湯汁真係好rich✧ 港式點心 除咗打邊爐即蒸點心係另一個賣點排骨肉質嫩滑仲連住軟骨脆口 蝦餃皇 皮皺褶好靚又晶凝通透蝦肉爽彈唔止一隻燒賣 豬肉餡肥瘦三七比例啱啱好 流沙奶黃包一撕開啲奶黃湧出嚟 要趁熱食但小心燙親條脷 總括服務方面值得一讚 阿姐換碟快過茶記伙記 點心部水準拍得住茶樓 火鍋料新鮮度滿分 湯底玩法多 可以揀鴛鴦鍋有麻辣 沙嗲等等

朋友移民咗去外國返嚟香港約食飯，一般都喜歡中菜，其中一個話好想食廣東點心，你知而家飲茶都好貴，我就提議去荃灣 常滿百家菜，佢哋個無限時任食數十款點心火鍋配料，真心冇得輸，性價比超高。朋友住荃灣之前都有嚟過，佢話以前比較陰暗，最近餐廳內部翻新，感覺乾淨明亮，空間感大咗，氣氛熱鬧，坐得舒服。品嚐廣東點心無限任食，自助區也有不少小食，樽裝啤酒、維他奶，令人難忘的美食之旅。無限時任食點心點心選擇多，讓人眼花撩亂，我比較喜歡幾款招牌點心。常滿蝦餃皇蝦餃皇外皮薄透，餡料鮮美，超大隻蝦仁新鮮，蝦肉鮮甜，口感彈牙。鮮蝦燒賣皇燒賣的頂部鮮蝦肉色澤誘人，內餡豐富，肉質鮮嫩，肉汁四溢，味道醇厚，欲罷不能。招牌小籠包小籠包的皮薄且有韌性，豐富的湯汁，咬下去時小心熱辣辣的湯汁，肉餡香氣令人陶醉。鮮竹牛肉球牛肉球內嫩，鮮竹的口感增添了清脆感，牛肉鮮香，鮮竹清香。豉汁蒸鳳爪鳳爪軟嫩勁入味，豉汁香氣吃起來非常開胃，我搭配維他奶有創意。芋絲炸春卷春卷外皮金黃酥脆，內餡的芋絲香氣撲鼻，口感層次分明。蘿蔔絲酥餅外層酥脆，內餡蘿蔔絲清新可口，有熱度，吃起來特別暖心。黃金炸饅頭外皮金黃酥脆，內裡柔軟，搭配甜練奶，不可錯過的美味

天氣涼涼地約朋友去荃灣打邊爐，酒樓無限時火鍋點心放題有廿多款點心、火鍋可選鴛鴦鍋底或雞煲、魚鍋。火鍋配料精選肥牛、本地滑牛、牛展拼牛脷、海生蝦、脆肉鯇、手打墨魚丸等任點任食，自助區另有多款配料，花枝片、蔬菜、餃類、丸類任取任食，食材都好新鮮。即蒸點心多款點心即叫即製，點了多個點心，味道比起一般酒樓更勝一籌，特別常滿蝦餃皇大大隻人，啖啖鮮蝦非常爽彈，鮮蝦燒賣皇亦有大蝦仁好美味，一點再點。大排檔美食炸雞中翼最搶手，椒鹽豬排好惹味，另有鹵水鴨、雞串燒、炸薯角、雞軟骨、紅腸片、韭菜豬紅，及多款限時點心。另有湯水、糖水、中西甜品、雪糕全部任食。以二百多元的價錢品嚐點心+火鍋放題，而且味道有質素同食材新鮮，性價比極高，朋友聚餐任飲啤酒、玻璃樽裝汽水、維他奶，其他地方比較少。

一間本地酒樓嘅放題😆真係食到你飽，仲要食到高質點心🥟
呢度嘅點心選擇多到你唔信
1.燒賣：皮薄餡靚，一咬落去，啲汁即刻爆出嚟，真係鮮甜到爆。
2.蝦餃：蝦肉新鮮彈牙，配上嗰層薄薄嘅皮，食落去口感一流。
3.小籠包：呢個係必試之選，熱辣辣嘅湯汁同埋嗰層薄薄嘅皮，簡直係完美結合。
除咗呢啲，仲有好多其他選擇，千層糕、鳳爪等等，真係多到數唔晒。
火鍋食雞煲！
食完嗰啲精緻點心，仲可以享受到放題嘅火鍋。呢度嘅火鍋料都係任食嘅，啱晒鍾意打邊爐嘅你。
1.肉類：牛肉唔係雪到硬晒嗰啲呀。
2.海鮮：尤其新鮮彈牙！
點心控定係火鍋迷都要去！

超值無限時火鍋點心放題，成人$215一位，星期五六日都只係加$10，環境一般般，係普通茶樓，但性價比超高👍🏻首先有12個鍋可以揀，其中有雞煲，魚煲，我哋驚食得太飽就冇揀到，揀咗椰子雞湯鍋。仲有自取區，有不同小食，炸物，炸雞軟骨，炸雞翼，藥膳鳳爪，豬紅，豬手。仲有火鍋配料，蔬菜，丸類，內臟等，多不勝數😻點心水準唔錯，雖然等嘅時間耐咗啲，燒賣蝦餃鳳爪牛栢葉味道都好正宗，我最鐘意食點心㗎啦，但食到第4籠已經超飽了😹再食埋火鍋配料，肥牛，滑牛，鯇魚，魚頭，就真係超滿足了😍😍

上禮拜找到在荃灣的一家放題 主打吃點心還有火鍋 我們晚上去幾乎都坐滿了呢 跟朋友一起的 或者一家人吃飯的都有點心的話呢 蝦餃燒賣小籠包那些都隨便點隨便吃 大顆足料而唔多汁 而且蝦餃和小籠包的皮很薄喔 每一口都能吃到滿滿的肉 那裏的牛肉球也意外的出色 很爽口和濃濃的牛肉香 除了蒸點我們還有點一些炸雲吞和炸饅頭 都是剛出鍋就上桌 巨酥脆 吃着吃着點了很多呢火鍋呢我們點了椰子雞火鍋湯底 有平常的肥牛、肉丸、香腸等等…肥牛的味道濃郁，它的肉質較薄，口感非常柔軟，肥瘦很剛好 火鍋的菜都在自助區隨便拿 全部都新鮮放心吃！啤酒汽水還有茶那些都有 喝完又可以解膩繼續吃回本！還吃的下的話呢 有很多冰淇淋和其他甜品能拿 把甜品也吃了又是非常完美的一頓飯！

天氣轉涼開始打邊爐，最近搵到呢間超抵食嘅茶樓，晚市有提供點心同火鍋任食放題，人均$208起就可以食到，性價比超高！有幾十款點心可以任叫，仲有得打埋邊爐，落單就用紙仔同埋出出面自己拎，款式幾多下！------------------------------🍲◖澳門豬骨鍋x野菌豆腐◗ 湯底有11款，可以揀雞煲或者烤魚嗰啲，或者單拼鴛鴦鍋都得。今次揀咗兩款比較清淡嘅鍋底，豬骨煲真係有一大嚿豬骨，個人覺得佢嘅湯頭比較淡味～✨有19款點心任叫，除咗包點類之外仲有啲炸物，即叫即蒸，食落熱辣辣，啲炸物都係啱啱炸起，入口超薄脆，點心整體都幾不錯！✨點心私心推介小籠包、大大粒嘅蝦餃皇、薑蔥牛柏葉、鮮蝦燒賣、酸甜炸雲吞、鹹水角，平時出去食價錢都唔平，而且佢呢度嘅點心都幾足料，食多幾籠都回一半水！✨食咗少少點心前菜，記得留肚打邊爐！火鍋配料一啲都唔馬虎，牛肉、鮮蝦、脆肉鯇呢啲都係任叫！除咗寫紙落單，自助區仲有啲打邊爐料同菜可以拎🥬✨自助區仲有唔少熟食同甜品、雪糕，飲品都係自己攞，有好多玻璃樽裝汽水，仲有維他奶，好有feel！🌟 Encore指數：8.5/10

今次黎到依間位於荃灣，可以無限任食多款點心加火鍋放題既餐廳😚 依個組合勁新鮮好有驚喜，一次過滿足曬🐧 嘅兩個願望嘻😋 點心基本上全部用點心紙落單✅ 大部份都可以逐粒落單，唔怕浪費又可以食多幾款🤗 點心款式包括有小籠包、蝦餃、燒賣、牛肉球等❤️ 仲有多款包點類同埋炸物🤤 全部都勁大件份量十足👍 🐧 尤其喜歡佢哋嘅蝦餃皇同埋燒賣皇❤️ 真係勁大粒好足料😍 入面嘅蝦肉勁滿勁多，食落鮮美又爽滑，啖啖蝦勁滿足🥰 打邊爐有多款湯底任選✅ 有興趣仲可以試吓雞煲同魚鍋🤩 真係勁正☺️ 火鍋配料有牛展、牛脷、肥牛、滑牛等多款牛牛任叫任㨂🤩 仲有手打肉丸又鮮又彈🤗 真係好正😚 自助區仲有多款丸類、菜蔬等無限供應☺️ 選擇極多極正👍 最後不得不提🥴 佢哋有熱嘅玻璃樽維他奶飲架😍 幾得攞返枝開心吓🤤 

同朋友約食晚飯一個想食點心 一個想打邊爐即刻上網搵到荃灣有間酒樓可以一次過滿足晒兩個人既願望❤️只需二百零蚊一個人就可以任飲任飲點心+火鍋仲要係無限時 真係勁抵 CP值超級高❗️❗️❗️我地揀左豬骨湯底 勁大支 好足料落單嗌左肉肉之後 就出去自助區拎野飲基本上丸類菜類都有齊晒我最估唔到連豬紅都有💯熟食區選擇都不少有碗仔翅、粟米羹、紅豆沙、蕃薯糖水仲有咖哩豬皮豬紅、雞串、雞腳••••真係唔怕食唔飽🤤重點係有十幾款點心都係任食🉐蝦餃、燒賣、小籠包、鳳爪排骨、牛肉球、炸饅頭、流沙包等等我最推介蝦餃同炸饅頭蝦餃成個bb拳頭咁大粒 爽口彈牙 好出色✅炸饅頭炸到外脆內軟 點埋煉奶食好邪惡飲品除左茶類外🧃🥤仲有枝裝汽水同啤酒🍺咁多野食野飲真係食到捧住個肚走❣️❣️

同屋企人食飯有啲人想食點心，有啲人又想打邊爐所以我哋就一於去咗位於荃灣大鴻輝既常滿百家菜食佢哋而家嘅晚市做緊點心火鍋放題真係一次過滿足唔同人嘅慾望佢哋火鍋方面有好多款可以揀，包括雞煲、椰子雞、野菌豆腐、沙嗲鍋等等等，部份湯底雙拼仲唔使另外加錢😍嘢飲方面，我覺得幾正，因為佢竟然係有支裝汽水，呢樣嘢我喺其他地方較為少見，而且仲有啤酒任飲真係滿足晒唔同人嘅喜好火鍋方面，我個人認為肥牛幾出色，有肉味又唔會太鞋！除咗火鍋紙上邊可以叫既嘢食之外，佢仲有多款火鍋配料任夾，非常方便點心方面，一般常見嘅點心都有任食而當中我最鍾意食嘅就係佢嘅蝦餃大大隻，而且入面嘅蝦好鮮甜多汁真係覺得好好食以$200左右一個火鍋點心放題嘅質素嚟講，真係性價比高了！

其實都唔係第一次去食常滿，見以家打去book位有羊腩煲送又去左試下。星期五夜晚7點幾去到都唔算爆場，揀左火鍋加點心任食。衛生麻麻，記得要自己用滾水洗要用既野，服務都係一般😂羊腩唔入味，但份量都夠兩個人食。每次黎常滿食野，都覺得佢啲蝦唔洗錢咁，逢係有虾既點心，入面真係超多蝦，今次打邊爐既蝦都唔差，入口爽彈有蝦味，仲有魚頭同脆鯇都唔錯。出面既自助區，熟食都冇咩點refill，有炸豬扒，雞軟骨，雞翼，走哂氣既硬身炸蝦片，得返啲骨既豬腳薑，咖哩魚蛋等等。不過賣點係無限時，一大班朋友去飲下啤酒聚下都唔錯。睇完utube介紹既朋友，千奇唔好抱咁大期望😂😂