吉列牛忌廉烏冬專門店 (彌敦道) (已結業)

口痕行過彌敦道，就諗起佢嘅咖喱烏冬！👍🏻咖喱忌廉烏冬一上枱比白白而滿瀉既忌廉嚇親，但只要撈一撈咖喱味就會飄出來。食落唔會話好膩，烏冬口感幾彈牙，裏面仲有西蘭花雜菇洋蔥等等嘅配菜，裏面嘅牛肉份量都幾多，帶點韌勁。👍🏻吉列牛定食呢間餐廳嘅首本名菜，吉列牛塊皮好痴肉唔易散，粉漿唔多，所以微微放喺熱石上烤一烤，已經做到金黃鬆脆嘅效果！雖然每一片嘅牛肉唔係好大塊，不過牛味香濃，喜歡芥辣嘅朋友，可以食之前點一點！定食仲包括咗胡麻豆腐、昆布湯、胡麻車厘茄，一個人食一定夠飽！👍🏻雞軟骨餃子第一啖咬落去好有返到日本嘅感覺！口感好脆，入面包住椰菜帶有爽口嘅軟骨感！（一定一定要趁熱食），不過略嫌有少少油～👍🏻牛油蜜糖單骨雞翼單骨雞翼好易食，雞翼比較乾身，好彩碟底有滿滿既蜜糖汁可以點上！醬汁帶點清新嘅檸檬味，食落唔算太邪惡👍🏻👍🏻坐緊窗嘅位置仲可以睇到日落！💡始終熱石燒烤都會有少少油煙