影片
更多
2016-03-10
3564 瀏覽
距離上次食珠江已經係幾個月之前嘅事喇! 好懷念佢個漲卜卜蠔爽, 所以今次特登約了一大班人再嚟食過!環境依舊, 菜式亦依然~可惜味道已經不再…幾個月嘅掛念, 換到嘅只係失望兩個字。招牌潮州蠔爽 – 原本應該要漲卜卜, 好似每一粒都有生命一樣, 會好爽…可惜, 蠔爽一到外貌已經彻底失望, 原本漲卜卜嘅蠔仔去左邊? 點解會感覺濕透嘅賣相?一啲都唔再爽脆,包面嘅麵粉濕笠笠, 個爽字消失得無蹤無影喇…平時好似有生命嘅蠔仔變得頹氣,糊糊嘅口感…失敗!但更失望。 涼拌花甲 – 個酸辣汁撈得唔均勻, 一啲偏酸, 一啲又偏辣! 青瓜唔夠新鮮爽脆, 花甲肉偏瘦小, 唔肥美，間中仲食到有沙！ 黃金豆腐 – 炸得唔夠乾身, 外層唔脆, 內層豆腐唔夠嫩滑, 有啲食緊豆腐卜嘅感覺, 最奇怪係蛋黃應該均勻地包好個豆腐面先正常, 但蛋黃漿同豆腐係分開左! 黃金主題何在? 仲有意思咩? 薑蔥魚腩煲 – 魚頭冇乜肉食, 魚雲亦好細件, 而且仲有啲腥, 雖然用左好多薑蔥, 但都辟唔到腥味。 辣子田雞 – 少少麻又帶少少辣, 味道都算可以, 但離正宗嘅辣子處理煮法仲差好遠, 賣相唔靚, 炸得唔夠香酥,
環境依舊, 菜式亦依然~可惜味道已經不再…幾個月嘅掛念, 換到嘅只係失望兩個字。
招牌潮州蠔爽 – 原本應該要漲卜卜, 好似每一粒都有生命一樣, 會好爽…可惜, 蠔爽一到外貌已經彻底失望, 原本漲卜卜嘅蠔仔去左邊? 點解會感覺濕透嘅賣相?一啲都唔再爽脆,包面嘅麵粉濕笠笠, 個爽字消失得無蹤無影喇…平時好似有生命嘅蠔仔變得頹氣,糊糊嘅口感…失敗!但更失望。
蠔爽
113 瀏覽
0 讚好
0 留言
涼拌花甲 – 個酸辣汁撈得唔均勻, 一啲偏酸, 一啲又偏辣! 青瓜唔夠新鮮爽脆, 花甲肉偏瘦小, 唔肥美，間中仲食到有沙！
涼拌花甲
73 瀏覽
0 讚好
0 留言
黃金豆腐 – 炸得唔夠乾身, 外層唔脆, 內層豆腐唔夠嫩滑, 有啲食緊豆腐卜嘅感覺, 最奇怪係蛋黃應該均勻地包好個豆腐面先正常, 但蛋黃漿同豆腐係分開左! 黃金主題何在? 仲有意思咩?
黃金豆腐
90 瀏覽
0 讚好
0 留言
薑蔥魚腩煲 – 魚頭冇乜肉食, 魚雲亦好細件, 而且仲有啲腥, 雖然用左好多薑蔥, 但都辟唔到腥味。
辣子田雞 – 少少麻又帶少少辣, 味道都算可以, 但離正宗嘅辣子處理煮法仲差好遠, 賣相唔靚, 炸得唔夠香酥, 有幾件田雞顏色仲好深黑⋯
辣子田雞
71 瀏覽
0 讚好
0 留言
避風塘鉗魚 – 又係炸得唔夠乾身, 仲好似好濕笠笠嘅感覺, 魚肉索左好多油, 感覺有啲膩, 由於啖啖肉有啲似豬肉口感, 冇乜魚骨, 算係容易食。
腸 – 味道算正常, 不過好大陣騷味!
柚子骨 – 酸酸地甜甜地，普普通通啦
椒絲腐乳通菜 – 最普通, 但亦都係炒最正常最好味!
椒絲腐乳炒通菜
84 瀏覽
0 讚好
0 留言
炒麵麵唔錯！幫襯珠江都好幾次, 次次都煮出應有嘅手準, 每次都食到好滿足離場! 唔知點解今次會咁差? 睇得出係冇心去煮, 連招牌蠔爽都可以煮到一塌糊塗, 應該係油溫未夠就將材料落鑊煮先會有咁嘅劣效果, 做唔到外脆仲索滿晒油, 唔膩之奇怪!
同員工打聽過係咪換左廚師, 員工當然就答冇換過, 但睇得出亦食得出原本嘅味道已不再! 希望只係短暫性嘅改變, 但今次實在係令人失望, 唔會講到冇下次, 或者遲啲再俾多一次機會珠江, 如果下次都係咁樣嘅水準, 咁就真係冇以後喇!請佢自求多福喇。
張貼
