影片
更多
2021-08-23
669 瀏覽
每次分享自助餐，絕大多數都係由回本位或者海鮮講起，但今次有點不同，無他，因為花月庭聯乘《比得兔2:走佬日記》推出「尋兔樂園自助晚餐」，主題甜品實在出色又夠多，試問又點可以唔同大家講先？甜品區是「比得兔」的大本營，各色各樣的甜品琳瑯滿目，甜品控真的會流連忘返。「比得兔藍莓蛋糕」造型典雅，有如宮廷擺設，真心捨不得破損。「田園意大利芝士蛋糕」其實係 tiramisu，亦係自已最鍾意的甜品之一，質地輕盈，正。「紅菜頭奇亞籽棒棒蛋糕」賣相一流。驟眼睇「合桃甘筍芝士蛋糕」真係好似一條巨型甘荀埋係地下。若果嫌上述幾款太大件，其實仲有細細件既太陽花馬卡龍棒棒、榛子杯子蛋糕、草莓玫瑰盆栽蛋糕、藍莓芝士蛋糕及香蕉「豬」古力撻。比得兔流沙包餡料夠晒熱辣辣，印上比得兔的萌樣，即時加印象分。略略講過「比得兔」甜品，又要回歸大家最關心既回本位。首先係 凡惠顧星期一至星期四全時段自助晚餐每位客人可額外獲贈「翡翠蠔皇鮑魚」乙客。而星期五至星期日、公眾假期及前夕，更加有無限享用升級，升級美食包括凍龍蝦、磯燒日本奧灣帆立貝、台式鮑魚螺滷肉煲、椰子海螺燉雞湯與及北京填鴨等，一句講晒~「越食越有」！生蠔近年酒店Buffet都
每次分享自助餐，絕大多數都係由回本位或者海鮮講起，但今次有點不同，無他，因為花月庭聯乘《比得兔2:走佬日記》推出「尋兔樂園自助晚餐」，主題甜品實在出色又夠多，試問又點可以唔同大家講先？
甜品區是「比得兔」的大本營，各色各樣的甜品琳瑯滿目，甜品控真的會流連忘返。
「比得兔藍莓蛋糕」造型典雅，有如宮廷擺設，真心捨不得破損。
「田園意大利芝士蛋糕」其實係 tiramisu，亦係自已最鍾意的甜品之一，質地輕盈，正。
「紅菜頭奇亞籽棒棒蛋糕」賣相一流。
驟眼睇「合桃甘筍芝士蛋糕」真係好似一條巨型甘荀埋係地下。
若果嫌上述幾款太大件，其實仲有細細件既太陽花馬卡龍棒棒、榛子杯子蛋糕、草莓玫瑰盆栽蛋糕、藍莓芝士蛋糕及香蕉「豬」古力撻。比得兔流沙包餡料夠晒熱辣辣，印上比得兔的萌樣，即時加印象分。
略略講過「比得兔」甜品，又要回歸大家最關心既回本位。
首先係 凡惠顧星期一至星期四全時段自助晚餐每位客人可額外獲贈「翡翠蠔皇鮑魚」乙客。
而星期五至星期日、公眾假期及前夕，更加有無限享用升級，升級美食包括凍龍蝦、磯燒日本奧灣帆立貝、台式鮑魚螺滷肉煲、椰子海螺燉雞湯與及北京填鴨等，一句講晒~「越食越有」！
生蠔近年酒店Buffet都開始多返即開生蠔，花月庭一直以來都有提供，而且今次仲要係法國生蠔，蠔味比美國蠔的確更勝一籌，喜歡「劈」蠔的朋友，不妨走多幾轉。
海鮮
先食半開的波士頓龍蝦，紅彤彤的蝦膏既邪惡又吸引。
而長腳蟹爪肉質甜美，加埋我喜歡的翡翠螺，加上麵包蟹、青口、熟蝦及海蜆，海鮮陣容收貨有餘。刺身
陣容比起好多自助餐為多，有鯛魚、三文魚、吞拿魚、油甘魚、甜蝦、八爪魚、馬刀貝與及魷魚，而且解凍處理得宜，毫無雪味。
Carving Station
有烤安格斯有骨肉眼及烤法式羊架。
牛肉烤得啱啱好，中間呈嫣紅血色，肉質有嚼口；而羊架又不會太羶，個人覺得恰好。燒味區
有即片即包的片皮鴨與及集團名物海南雞飯，可以話每次到訪都必食。
熱葷
如果講到熱葷，又係多到一個點，當然，係以中式為主。
中式熱葷最受歡迎應該係「麻辣鮑魚鴨煲」，食落真係好惹味，鮑魚又有嚼口，不過好快比人掃清光。
清清地又有「竹笙花膠扒時蔬 」，好傳統口味，竹笙亦覺爽口，不錯。其他創新口味有「葡式白酒檸檬煮青口」同埋「海鮮花膠燉牛乳蛋白」，都係值得試試。
全部中式太單調，放心，仲有即煎鵝肝半伴花芒果味噌汁，雖然邪惡，但細細件無有怕。而龍脷魚檸檬忌廉汁就賣相一流，又幾香滑。
如果食紅酒燴牛尾，最好碗返碗白飯。
蒸比目魚超大條，啖啖肉又嫩滑，正。鍾意食雞有燒春雞配露絲瑪利汁。
馬來咖哩辣炒龍蝦鉗辣辣地好惹味，陣陣椰香，又係啖啖肉，最啱在下這類懶人。
加上煙三文魚白汁意粉、黃金炸排骨、清湯牛腩及金蒜蟹肉糯米飯，令人覺得好似置身於飲宴中。
生滾粥
粥底是廣東開花米粥，煲得夠綿，但比較杰身，所以容易飽肚，配料更有雞肉、牛肉、螺片、帶子、蠔仔及蝦仁，非常鼎盛，喜歡的更可以下點榨菜、芫荽及惹花。
湯品
中湯是金銀菜甘筍豬腱湯，而西湯是磨菇忌廉湯，前者有家常湯水感覺，而後者好香蘑菇味。
串燒
串燒全是即燒的，其中好幾樣都合心意，如果加埋杯啤酒就更一流。
個人推介蒲燒鰻魚串燒及磯燒日本陸奧灣帆立貝，好香口又入味。至於醬燒雞肉軟骨串及椎茸就各有捧場客。
天婦羅
款式眾多，有秋葵天婦羅、南瓜天婦羅、甜薯天婦羅及炸蝦天婦羅，炸漿不算厚，可能出貨要快同量多，所以油份略微有點未瀝得清。
咖喱區
花月庭出名多款式，咖喱都有不俗表現，有雜菜黃咖哩、印度咖哩雞、印度薄餅、烤新薯及炒雜菜。
灼料區
食友都知自己係澱粉質怪，就連食Buffet都不忘來一碗，今次餐廳亦有改動，變成了喇沙湯及清雞湯底。
配料同樣豐富，有肥牛、牛丸、貢丸、魚蛋、蘿蔔、墨魚丸、豆卜、秀珍菇及豬皮，當然會有菜蔬，而面底有油麵及米粉。
一於麵米兩溝，來一碗大雜喇沙，辣辣地又幾香，並非濫竽充數之流，可以一試。
沙律及Cold Cut冷盤區有DIY沙律、意式蕃茄羅勒水牛芝士沙律、泰式柚子蝦沙律、西班牙辣肉腸、煙三文魚及雜錦凍肉。
甜品區
文首已經講過「彼德兔」甜品，其實花月庭的甜品陣又點會得咁少？
Movenpick雪糕
喜歡雪糕的朋友，可不要忘了有雲呢拿夢幻、瑞士朱古力、士多啤梨、楓糖合桃、薄荷朱古力、Panna Cotta、檸檬青檸雪葩 與及法式焦糖燉蛋，共有8種款式，比坊間不少自助餐強。
至於凍櫃內，更有年輪蛋糕、芝麻糕、北海道3.6牛奶布甸、桂花糕、椰汁紫米布甸、蜂蜜蛋糕、芒果布甸、黑森林蛋糕及紅棗糕。加上即製迷你葡撻、窩夫及黑芝麻千層酥，這個甜品陣容，或許是全港最強。
飲品區
好多自助餐都係只提供一杯飲品，但花月庭就大方得多，既有自助咖啡機，熱飲自便外，仲有凍柑桔綠茶、凍檸檬茶、凍朱古力及凍奶茶，冷熱俱備，真係慳返不少。
收費 : 星期一至星期四
1800至2200 成人$648/小童$428/長者$558
星期五、六、日及假期
成人$728/小童$488/長者$338
星期一至星期四
1745至1945 及 2000至2200
成人$528/小童$348/長者$288
P.S : 多謝蚊蚊同R小姐兩靚女送上的生日蛋糕，與及食友麵包送上的生日禮物，雖然是4人一檯，但卻是暖在心頭，謝謝三位！
張貼
