京香餃

營業中

休息中

專門食北方餃子既餐廳，唔知個個叔叔係唔係老闆，佢講北方普通話既，聽落好有北方風味。叫左手撕雞($38)，山東白菜鮮肉餃子10隻($42)，炸醬麵($38)，山楂茶($12)，豆漿($12)。手撕雞有好多雞係面頭，底下有手拍青瓜，唔駛特意叫手拍青瓜都可以食到，我覺得大件夾抵食。餃子係冇湯既，可以落紅醋食，一咬好多汁，起碼咬2啖先食完一粒，d皮唔會太厚。個麵就有好多青瓜絲，d炸醬份量夠拌哂成碗麵。佢d野食質素其實唔錯，平時去開其他鋪食餃子，唔係趕人走，就係好逼，但尼到唔會趕人，又會介紹有咩食，good。P.S. lunch有set叫，亦有飯食。其實好抵，都係$38，餃子多$4，麵食更好食。