Chilli Lime (MONTEREY Place)

營業中

休息中

作為將軍澳人，食東南亞菜多數只會選擇喺商場或者地點比較便利嘅餐廳，殊不知喺海傍再入少少嘅橫街竟然隱藏住一間超高質嘅東南亞菜餐廳。Chilli Lime充滿度假嘅氛圍，入面嘅裝修同美食都會令你覺得自己好似去咁峇里咁，夠晒chill！餐廳以泰菜、印度菜、馬來西亞菜為主，而我就覺得似係馬來西亞印度菜。呢度嘅飲品到甜品嘅選擇都非常多同廣，我哋2個人就叫咗泰式珍珠奶茶、素咖喱角、燒豬頸肉、紅咖喱檳榔葉燒牛肉、馬拉盞、酥油薄餅、椰絲斑蘭丸子布丁，款款都真心好出色，完全唔係普通香港東南亞餐廳食到嘅風味，完全係當地嘅風味，相信因為餐廳嘅廚師都係當地人😋另外，估唔到餐廳菜式嘅份量非常之多，我哋兩個人結果食唔晒，要打包……但其實好多嘢我哋都想繼續試，例如：其他味道嘅咖喱、烤魚等等，我哋唯有等下次再嚟食啦。雖然Chilli Lime已經開咗一段時間，但我竟然而家先識嚟，真係相逢恨晚。我強烈推介大家一定要嚟食。