影片
更多
2022-01-27
153 瀏覽
係香港要過一個舒服嘅下午﹑同朋友營造少少渡假感，最容易就係去任何靠海位置，望下天望下海，再係一間靚cafe坐低傾下計。澳南海岸依邊有大量pet friendly嘅餐店同咖啡店，由市中心行入去沿途會見到好多狗狗，心情大好～.❝手打意粉配黑松露忌廉醬❞ ($128)闊條麵偏硬身，手打意粉更煙韌有咬口，微微帶少量蛋香。意粉掛汁能力特別強，而且醬汁本身都非常濃稠，每條意粉都佈滿黑松露忌廉醬，可惜醬汁味道稍微淡咗些少，可能係要配合翻咖啡店提供嘅素食/輕食主題。❝熱情果戚風蛋糕❞ ($52)戚風蛋糕質感唔算濕潤，無乜戚風蛋糕應有嘅綿滑口感，但好彩都唔會過份乾身。依到嘅戚風蛋糕比起綿密type蛋糕更傾向鬆軟type。熱情果嘅酸味同cream嘅甜度中和之後蛋糕整體味道清甜。❝冷壓蘋果汁❞ ($32)冷壓果汁係採用低溫高壓方法處理食材，營養素比起一般果汁更豐富，不過依杯有點過甜了～嗚.♥️JOMO Kitchen & Health Hub @jomohealthnhub @jomocoffeencakes 將軍澳澳南海岸唐俊街23號MONTEREY Place 地下G01號舖（港鐵將軍澳站A2出口，步行約
.
❝手打意粉配黑松露忌廉醬❞ ($128)
闊條麵偏硬身，手打意粉更煙韌有咬口，微微帶少量蛋香。意粉掛汁能力特別強，而且醬汁本身都非常濃稠，每條意粉都佈滿黑松露忌廉醬，可惜醬汁味道稍微淡咗些少，可能係要配合翻咖啡店提供嘅素食/輕食主題。
❝熱情果戚風蛋糕❞ ($52)
戚風蛋糕質感唔算濕潤，無乜戚風蛋糕應有嘅綿滑口感，但好彩都唔會過份乾身。依到嘅戚風蛋糕比起綿密type蛋糕更傾向鬆軟type。熱情果嘅酸味同cream嘅甜度中和之後蛋糕整體味道清甜。
❝冷壓蘋果汁❞ ($32)
冷壓果汁係採用低溫高壓方法處理食材，營養素比起一般果汁更豐富，不過依杯有點過甜了～嗚
.
♥️JOMO Kitchen & Health Hub @jomohealthnhub @jomocoffeencakes
將軍澳澳南海岸唐俊街23號MONTEREY Place 地下G01號舖（港鐵將軍澳站A2出口，步行約12分鐘）
每日營業 09:00 - 20:00
.
♥️用餐提示
咖啡店門口有machine比客人攞飛等待入座，亦有室外位置可以嗌takeaway去露天地方享用。室內位置方面因為有落地玻璃窗而咖啡店又座落海旁，全間店鋪都非常光猛。室內裝潢以白色﹑木色系為主，另有唔少植物裝飾～
❋ 消費滿$100方可使用信用卡
.
♥️𝐭𝐨𝐝𝐚𝐲’𝐬 𝐨𝐫𝐝𝐞𝐫
手打意粉配黑松露忌廉醬($128) & 熱情果戚風蛋糕($52) & 冷壓蘋果汁($32)
餐點味道 | ♥︎♥︎♥︎♥︎♥︎♥︎♥︎♡♡♡
抵食指數 | ♥︎♥︎♥︎♥︎♥︎♥︎♡♡♡♡
店舖環境 | ♥︎♥︎♥︎♥︎♥︎♥︎♥︎♥︎♡♡
用餐體驗 | ♥︎♥︎♥︎♥︎♥︎♥︎♥︎♥︎♡♡
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 四人或以下聚會﹑下午茶
張貼
