影片
更多
2021-11-04
147 瀏覽
呢間cafe前前後後應該去過幾次，無論係佢嘅裝修style、定係主食同甜品，都令到我好滿意~ 隔咗一排冇去發覺佢重新裝修咗，位置闊落咗，由純白色店變成有啲工業風嘅感覺，仲有個area專係放蛋糕！ 唯一唔好嘅係定價真係偏高，有種越嚟越貴嘅感覺🥲~𝓞𝓿𝓮𝓻𝓪𝓵𝓵~ ✨價錢:5.5/10👅味道:7.8/10🌌環境:7/10★乾蕃茄小辣椒手打意粉 ($108+$25)一直都好鍾意jomo嘅意粉，雖然佢唔係我平時會鍾意開嗰種乾身得嚟有咬口嘅pasta，反而係偏腍同濕身，但會食得出手打意粉先有嘅韌度同小麥香。重點係個蕃茄sauce好濃郁，仲會見到好多蕃茄蓉，小辣椒亦唔會太辣，冇搶到蕃茄嘅風頭~ 覺得就咁食意粉冇肉會唔夠飽，我額外加咗一份雞胸肉，加完真係完全冇後悔！佢雞胸肉係厚切，第一眼望落去勁似豬腩肉😂 唔知點解可以煎到咁juicy，真係唔似食緊雞胸！★炸魚漢堡薯條 ($168)因為見到隔離枱叫咗呢個好似好吸引咁，於是忍唔住試吓~想講個漢堡真係勁大個，絕對係可以share食，魚柳啱啱新鮮炸起，炸衣有經過調味，好薄身同脆口，一啲都唔油膩，而且魚肉依然保持嫩滑😆 重點係配上嘅番薯條都好好食！但係個價格
呢間cafe前前後後應該去過幾次，無論係佢嘅裝修style、定係主食同甜品，都令到我好滿意~ 隔咗一排冇去發覺佢重新裝修咗，位置闊落咗，由純白色店變成有啲工業風嘅感覺，仲有個area專係放蛋糕！ 唯一唔好嘅係定價真係偏高，有種越嚟越貴嘅感覺🥲
~𝓞𝓿𝓮𝓻𝓪𝓵𝓵~
✨價錢:5.5/10
👅味道:7.8/10
🌌環境:7/10
★乾蕃茄小辣椒手打意粉 ($108+$25)
一直都好鍾意jomo嘅意粉，雖然佢唔係我平時會鍾意開嗰種乾身得嚟有咬口嘅pasta，反而係偏腍同濕身，但會食得出手打意粉先有嘅韌度同小麥香。重點係個蕃茄sauce好濃郁，仲會見到好多蕃茄蓉，小辣椒亦唔會太辣，冇搶到蕃茄嘅風頭~ 覺得就咁食意粉冇肉會唔夠飽，我額外加咗一份雞胸肉，加完真係完全冇後悔！佢雞胸肉係厚切，第一眼望落去勁似豬腩肉😂 唔知點解可以煎到咁juicy，真係唔似食緊雞胸！
★炸魚漢堡薯條 ($168)
因為見到隔離枱叫咗呢個好似好吸引咁，於是忍唔住試吓~想講個漢堡真係勁大個，絕對係可以share食，魚柳啱啱新鮮炸起，炸衣有經過調味，好薄身同脆口，一啲都唔油膩，而且魚肉依然保持嫩滑😆 重點係配上嘅番薯條都好好食！但係個價格真係set得太高，$168一個魚柳包ummmm... 其實m記嘅魚柳包我都滿足了😂
張貼
