點‧粵 (已結業)

前排好想食中式菜式同埋雞煲，見到將軍澳有間新開嘅——🌟點粵🌟去食咗個材料豐富嘅雞煲，我哋坐卡位，座位舒適，環境寬敞，人多嘅話仲可以坐大枱，餐牌選擇好豐富，今次因為太想食雞煲，所以即見即點🫣._.🥟｜錦鹵雲吞｜🥟呢個好特別，係用脆炸好嘅雲吞皮裝著啲咕嚕汁嘅肉同蝦黎食，或者點黎食都一樣咁惹味，雲吞皮大大執炸到好脆身，而個汁係酸酸甜甜嘅咕嚕汁，裏面仲有蝦同肉，好多口感，酸酸甜甜好開胃，啱曬夏天食💕·🐥｜秘製雞煲，火鍋半隻｜🐥雞煲大大煲上，兩個人食好滿足，雞件數量多，肉質唔鞋口，而且斬好細細舊方便食，雞煲個汁好濃味，旁邊嘅配料索埋啲醬汁好惹味，特別係啲薯仔😍._.