影片
更多
2023-07-16
177 瀏覽
喺將軍澳南呢邊有好多好野食，之前都試過唔少餐廳，近排就比較忙冇咩黎呢邊食，呢日就約左朋友黎試一試呢間餐廳。餐廳係泰國，馬來西亞同印度菜，職員全部都係外籍人士，不過都有識得講中文嘅外籍人士，突然覺得好有親切感，而且環境舒適，呢度裝修都幾靚，啲燈全部都係月球形狀，都幾有氣氛，環境暗得黎又唔會太黑。我地呢日閒日7點左右來到，坐坐下好快餐廳都已經幾乎坐滿人，非常受歡迎，餐牌有好多選擇，我地都用左啲時間先揀好，因為樣樣都好似好想食。泰式蝦餅（＄98）幾乎每次食泰國菜都必定點蝦餅，但呢度嘅蝦餅仍能帶有驚喜，大大件，炸得非常脆口同熱辣辣，而且中間亦都有粟米粒，非常豐富，而且爽口彈牙，蝦味鮮甜。配上泰式醬汁更開胃。串燒沙嗲，雞肉牛肉豬肉（＄128）：平常出邊點呢道菜，串燒通常都又瘦又乾，不過呢度就唔會有依個問題，串燒嘅肉大大件，而且肉汁亦都juicy，沙爹醬非常美味，辣度剛好，亦甜甜地，比較鍾意就係串燒豬肉，本身亦都帶有蜜糖味。泰式青檸辣椒汁蒸魚（＄228）：蒸魚本身睇圖片，都驚佢比較辣，不過好彩原來佢面頭舖左辣醬，另外都會有另一碗辣汁讓客人自己選擇去點，可以調教辣度，咁就唔怕會太辣，蒸魚大大條，而且
餐廳係泰國，馬來西亞同印度菜，職員全部都係外籍人士，不過都有識得講中文嘅外籍人士，突然覺得好有親切感，而且環境舒適，呢度裝修都幾靚，啲燈全部都係月球形狀，都幾有氣氛，環境暗得黎又唔會太黑。
我地呢日閒日7點左右來到，坐坐下好快餐廳都已經幾乎坐滿人，非常受歡迎，餐牌有好多選擇，我地都用左啲時間先揀好，因為樣樣都好似好想食。
泰式蝦餅（＄98）
幾乎每次食泰國菜都必定點蝦餅，但呢度嘅蝦餅仍能帶有驚喜，大大件，炸得非常脆口同熱辣辣，而且中間亦都有粟米粒，非常豐富，而且爽口彈牙，蝦味鮮甜。配上泰式醬汁更開胃。
串燒沙嗲，雞肉牛肉豬肉（＄128）：
平常出邊點呢道菜，串燒通常都又瘦又乾，不過呢度就唔會有依個問題，串燒嘅肉大大件，而且肉汁亦都juicy，沙爹醬非常美味，辣度剛好，亦甜甜地，比較鍾意就係串燒豬肉，本身亦都帶有蜜糖味。
泰式青檸辣椒汁蒸魚（＄228）：
蒸魚本身睇圖片，都驚佢比較辣，不過好彩原來佢面頭舖左辣醬，另外都會有另一碗辣汁讓客人自己選擇去點，可以調教辣度，咁就唔怕會太辣，蒸魚大大條，而且魚味非常鮮甜，配上辣汁更加帶出鮮甜味，條魚啖啖肉食唔停口，非常滋味。
泰式椰菜苗（＄108）：
椰菜苗一上台嘅時候已經聞到好香，炒得好惹味，而且椰菜苗非常新鮮又幼嫩，份量亦都好多。
芒果糯米飯（＄88）：
芒果糯米飯值得一讚，用上三款唔同嘅糯米，佢地有唔同嘅甜度同埋唔同煙靭度，可以一次過試到三款唔同既感覺，都充滿新鮮感，而且芒果唔酸，非常清甜，估唔到一個以為普通嘅芒果糯米飯都煮得好有心思。
呢間餐廳唔止環境好，服務好，而且食物亦都很高質，有機會會再嚟多次，試下其他菜式，今日同朋友渡過左愉快嘅一晚。
張貼
