Chilli Lime (MONTEREY Place)

營業中

休息中

澳南呢邊有好多好野食，其中之一就係呢間全食亞州菜既餐廳chilli lime，裝修有滿滿既泰式風情，餐廳亦都有室內同室外既座位可以選擇。海鮮冬蔭功湯 $118用料十足，有大蝦魷魚等等，而且辣度同酸度平衡得岩岩好，非常開胃。泰式馬沙文牛肉咖哩 $148份量一啲都唔少，有好多塊牛肉，而且咖哩香料味重，唔會太辣，用黎撈飯或者點烤餅都係一流。泰式辣椒膏炒蜆 $158蜆隻隻都好大隻，重點係無沙，啖啖肉非常爽。辣椒膏既味道未算太辣，如果可以更加辣就加好。泰式炸春卷 $98春卷好大條，內餡十足，包埋生菜一齊食既話仲可以增加口感，醬汁亦令味道更加有層次。蒜蓉烤餅 $38烤餅出色，烤得香脆得黎唔會乾身，淨食同點咖哩都係推薦。Refresh your mind $58的確真係好refreshing，薄荷既清新加上蘋果既清甜，非常適合解膩。virgin mojito $48呢杯都係mocktail黎，同樣有好重既薄荷味，加上有紅糖飲落非常易入口。