影片
更多
2022-06-03
41 瀏覽
趁住假期前夕... 今晚同朋友出嚟食吓chill吓吹吓水!路過禮頓道... 俾【Cielos】呢間新派意大利餐廳吸引住! 店內嘅植物同掛畫... 感覺fresh得嚟又好artistic! 場內傳嚟輕快嘅音樂🎶... 原來今晚有live band駐場... 正呀!😍晚餐我地揀咗既有特式又矜貴嘅「松露創意料理」($780 for 2):✅頭盤 - 輕煎吞拿魚刺身配松露及柚子醬油醋✅湯品 - 蘑菇忌廉湯配白松露油✅主菜 - 香烤八爪魚鬚配松露鷹嘴豆蓉伴松露蛋黃醬✅甜品 - 招牌松露焦糖意式奶凍配鮮果醬頭盤嘅吞拿魚刺身🐟份量都好足... 輕輕煎過嘅吞拿魚刺身可以話完全唔腥!👍 而每塊吞拿魚刺身都放上一片松露... 松露獨特嘅大自然香氣令吞拿魚刺身散發原始嘅鮮味! 另外... 仲配埋淋咗柚子醬油醋嘅沙律菜... 清新而開胃!蘑菇忌廉湯🥣加咗松露同白松露油... 即時升價十倍! 忌廉湯入面有攪拌成蓉嘅菇菌... 令本身香濃creamy嘅忌廉湯增加咗口感! 而加咗珍貴嘅白松露油令到個湯嘅味道更提升、更香濃!至於主菜... 大大條嘅八爪魚鬚🐙好吸睛... 烤完唔會韌! 呢個主菜嘅配料選材好有
路過禮頓道... 俾【Cielos】呢間新派意大利餐廳吸引住! 店內嘅植物同掛畫... 感覺fresh得嚟又好artistic! 場內傳嚟輕快嘅音樂🎶... 原來今晚有live band駐場... 正呀!😍
晚餐我地揀咗既有特式又矜貴嘅「松露創意料理」($780 for 2):
✅頭盤 - 輕煎吞拿魚刺身配松露及柚子醬油醋
✅湯品 - 蘑菇忌廉湯配白松露油
✅主菜 - 香烤八爪魚鬚配松露鷹嘴豆蓉伴松露蛋黃醬
✅甜品 - 招牌松露焦糖意式奶凍配鮮果醬
頭盤嘅吞拿魚刺身🐟份量都好足... 輕輕煎過嘅吞拿魚刺身可以話完全唔腥!👍 而每塊吞拿魚刺身都放上一片松露... 松露獨特嘅大自然香氣令吞拿魚刺身散發原始嘅鮮味! 另外... 仲配埋淋咗柚子醬油醋嘅沙律菜... 清新而開胃!
蘑菇忌廉湯🥣加咗松露同白松露油... 即時升價十倍! 忌廉湯入面有攪拌成蓉嘅菇菌... 令本身香濃creamy嘅忌廉湯增加咗口感! 而加咗珍貴嘅白松露油令到個湯嘅味道更提升、更香濃!
至於主菜... 大大條嘅八爪魚鬚🐙好吸睛... 烤完唔會韌! 呢個主菜嘅配料選材好有營養... 包括鷹嘴豆同秋葵! 將八爪魚同鷹嘴豆蓉、松露一齊食... 味道啱啱好... 咸淡適中! 而彈牙嘅八爪魚配細膩幼滑嘅鷹嘴豆蓉... 口感一絕!😋
甜品🍮方面好有驚喜... 完全冇諗過可以用松露嚟整甜品! 意式奶凍奶味香濃軟滑... 淋上伴有松露碎嘅焦糖汁... 感覺非常特別... 完全冇違和感... 而且仲有畫龍點睛之效!
今晚嘅「松露之夜」真係好盡興... 食物高質素... 廚師擺盤盡見心思... 店員殷勤親切又有禮貌... 加上現場live band推高氣氛... 真係好enjoyable!👏
張貼
