一人燒肉館 (MONTEREY Place)

Item: 一人燒肉館 (MONTEREY Place)
Rating: 0
Author: gourmet.hk

Yakinikusolo (MONTEREY Place)

4.5

23 食評

味道

環境

服務

衛生

抵食

420

將軍澳

$51-100

日本菜爐端燒

複製到剪貼簿

gourmet.hk

等級4

288

將軍澳南呢間燒肉店「一人燒肉館」開咗幾個月，最近我成日去幫襯，因為真係平、靚、正👍老闆同店員態度非常親切友善，感覺好舒服。小店雖然唔算大，但光猛乾淨又企理，樓底高，裝潢簡約令人放鬆. 餐廳用無煙烤爐，完全冇油煙味，加分. 餐廳主打牛肉，尤其係✅熟成牛肉，乾式熟成牛肉肉質鮮嫩、風味濃郁，牛肉款式不少價錢亦非常親民. 最平嘅牛五花套餐（100g）只需‼️50幾蚊已經有齊飯、湯/飲品，仲附送沙律，非常超值！另外仲有牛小排、九州和牛、肉眼扒、牛舌芯、牛板鍵、霜降一口牛，而主打嘅乾式熟成牛肉承惠百多元（100g). ⭐️ 精選牛小排（50g）+ 熟成牛小排（50g）呢個套餐一次過可以試晒兩款不同風味嘅牛小排——同一個部位，兩種處理手法，帶出截然不同嘅口感同味道。牛小排嫩滑多汁，牛味濃郁，而熟成牛小排則增添咗一層獨特嘅甘香，肉質更加軟腍。配搭餐廳提供多款醬料更加提升味道層次. 套餐升級叫埋紫菜溫泉蛋飯，自製燒肉丼，好滿足. ⭐️ 豬五花套餐豬五花肥瘦分佈適中，燒完會有輕微脆口嘅焦香感，但又唔會太油膩。無論係直接食定係沾上醬料，都可以感受到油脂同肉嘅平衡，性價比超高！唔食牛嘅朋友都唔需要擔心，餐廳同樣提

將軍澳南呢間燒肉店「一人燒肉館」開咗幾個月，最近我成日去幫襯，因為真係平、靚、正👍老闆同店員態度非常親切友善，感覺好舒服。小店雖然唔算大，但光猛乾淨又企理，樓底高，裝潢簡約令人放鬆. 餐廳用無煙烤爐，完全冇油煙味，加分.

餐廳主打牛肉，尤其係✅熟成牛肉，乾式熟成牛肉肉質鮮嫩、風味濃郁，牛肉款式不少價錢亦非常親民. 最平嘅牛五花套餐（100g）只需‼️50幾蚊已經有齊飯、湯/飲品，仲附送沙律，非常超值！另外仲有牛小排、九州和牛、肉眼扒、牛舌芯、牛板鍵、霜降一口牛，而主打嘅乾式熟成牛肉承惠百多元（100g).

⭐️ 精選牛小排（50g）+ 熟成牛小排（50g）
呢個套餐一次過可以試晒兩款不同風味嘅牛小排——同一個部位，兩種處理手法，帶出截然不同嘅口感同味道。牛小排嫩滑多汁，牛味濃郁，而熟成牛小排則增添咗一層獨特嘅甘香，肉質更加軟腍。配搭餐廳提供多款醬料更加提升味道層次. 套餐升級叫埋紫菜溫泉蛋飯，自製燒肉丼，好滿足.

⭐️ 豬五花套餐
豬五花肥瘦分佈適中，燒完會有輕微脆口嘅焦香感，但又唔會太油膩。無論係直接食定係沾上醬料，都可以感受到油脂同肉嘅平衡，性價比超高！

唔食牛嘅朋友都唔需要擔心，餐廳同樣提供其他選擇，例如豬五花、豬頸肉、雞腿肉、比目魚柳、鯖魚柳. 如果趕時間亦有現成套餐，唔一定食自己燒㗎. 買走外賣都好方便.

差唔多食飽之後，店員仲會送上不同口味嘅大福作為bonus（套餐唔包）。今次我哋就揀咗芝麻味同埋綠茶味. 細細粒的骰可愛，大福外皮煙韌，內餡香甜但唔膩. 整體而言，人均消費大約$100左右，性價比極高，絕對值得一試！