更多
2017-03-04
1602 瀏覽
近年元朗成為專食廚師發辦嘅高質日本料理店集中地,呢日就去試試三間之中比較新嘅寿司源。店舖晌人流比較少嘅地方,環境清幽。入面只有大約十多個吧檯位,空間感十足。另一邊就係一排酒櫃,擺放多種日本酒。晌市區食廚師發辦最少要千幾一位,而呢度嘅午市時段就只係三百同五百,前者主要食壽司,後者就除咗壽司之外,仲有刺身、燒物、煮物等等,魚類款式會因應時令季節而轉換。呢次試咗五百嗰款,店員先送上前菜同茶碗蒸,茶碗蒸嘅蛋蒸得滑溜,當中仲有其他配料如冬菇、帆立貝、鳴門卷等等。師傅詢問過有無特別唔鍾意食嘅食材之後,就會晌食客面前炮製刺身同手握壽司,佢逐一將唔同嘅食材拼埋一齊,原本空空如也嘅碟變得豐富起嚟,當中有漬蘿蔔、木魚味噌蒜同山葵淮山,木魚味噌蒜味道香甜,山葵淮山黏滑,同埋有微微嘅辛口感。鯛魚刺身,切得透薄均勻。師傅話可以蘸特製嘅醬汁一齊食,入面有蘿蔔蓉同蔥花,食落酸甜。油甘魚刺身,分別係下腩同上腩,外觀上睇色澤略有不同,口感方面一件嘅質感較爽、另一件就更有油香。池魚刺身,加咗蔥花、薑蓉同山葵,可以夾埋小小嘅紫菜片一齊食,味微辣偏重。帆立貝磯邊燒,帆立貝厚而肥大,表面搽咗醬油,燒得外香內彈牙,用紫菜夾住食,
店舖晌人流比較少嘅地方,環境清幽。
張貼