影片
更多
2023-01-20
198 瀏覽
🤍三代目🖤將軍澳貿業路8號新都城中心2期1樓1011-1013號舖📍住喺將軍澳都知道呢間日本餐廳開咗一個月有多，但係夜晚都仲係人流不減，有好多人排隊食，今日同朋友喺附近行，都決定撳飛入去試吓先！🍴鹽燒牛舌丼 $98鍾意食牛舌嘅朋友必點！雖然望落細細碗咁，但係有成7塊厚身牛舌，$100都唔使又幾抵食😆牛舌燒得軟熟得嚟又帶點爽口，個飯亦都有醬汁撈嚟食唔驚怕dry😋🍴紫蘇燒豚梅肉拉麵 $98必讚嘅拉麵足足有一整隻溏心蛋，兩塊燒豚肉亦都係厚切，湯底就正正常常，拉麵份量比較多，朋友食完都話飽肚😳🍴燒白鱔串 $68 / 燒牛肉露筍 $38 / 燒一口牛 $38試咗幾串menu推薦嘅串燒，最好食嘅就係燒一口牛！重牛味之餘調味亦都做得好好，另外燒白鱔就比較薄身，但係都算肥美。🍴和風燒茄子 $68燒茄子再加上芝士、蒜蓉、木魚絲，口感非常豐富，食落仲係好juicy同軟熟，因為係即叫即燒，所以等得比較耐，如果要食嘅話一定要一早落單！🍴炸雞軟骨 $48正正常常嘅小食🤣口痕都可以叫嚟食，炸得都好香脆～
🖤將軍澳貿業路8號新都城中心2期1樓1011-1013號舖
📍住喺將軍澳都知道呢間日本餐廳開咗一個月有多，但係夜晚都仲係人流不減，有好多人排隊食，今日同朋友喺附近行，都決定撳飛入去試吓先！
🍴鹽燒牛舌丼 $98
鍾意食牛舌嘅朋友必點！雖然望落細細碗咁，但係有成7塊厚身牛舌，$100都唔使又幾抵食😆
牛舌燒得軟熟得嚟又帶點爽口，個飯亦都有醬汁撈嚟食唔驚怕dry😋
🍴紫蘇燒豚梅肉拉麵 $98
必讚嘅拉麵足足有一整隻溏心蛋，兩塊燒豚肉亦都係厚切，湯底就正正常常，拉麵份量比較多，朋友食完都話飽肚😳
🍴燒白鱔串 $68 / 燒牛肉露筍 $38 / 燒一口牛 $38
試咗幾串menu推薦嘅串燒，最好食嘅就係燒一口牛！重牛味之餘調味亦都做得好好，另外燒白鱔就比較薄身，但係都算肥美。
🍴和風燒茄子 $68
燒茄子再加上芝士、蒜蓉、木魚絲，口感非常豐富，食落仲係好juicy同軟熟，因為係即叫即燒，所以等得比較耐，如果要食嘅話一定要一早落單！
🍴炸雞軟骨 $48
正正常常嘅小食🤣口痕都可以叫嚟食，炸得都好香脆～
張貼
