影片
開飯介紹
供應日式拉麵及居酒屋美食，拉麵的湯底以豚骨熬煮逾10小時，鮮香味濃，另外串燒等料理也相當惹味。同時加入手搖茶品牌「三茶San Tea」，供應清幽的醇茶飲品。
繼續閱讀
附加資料
收費以四捨五入計算
營業時間
今日營業
11:30 - 21:00
星期一至四
11:30 - 21:00
星期五至六
11:30 - 21:30
星期日
11:30 - 21:00
公眾假期
11:30 - 21:00
公眾假期前夕
11:30 - 21:30
以上資料只供參考, 請與餐廳確認詳情
有關獎賞計劃
優惠
54折
三代目清酒放題 一位用 (連加一服務費) (堂食) -地道拉麵 及居酒屋美食！
$140.1
$261.8
相關文章
呢個商場食店之選擇種類夠多，可謂同區之數一數二，所以都幾鍾意黎呢度搵食。今晚就去咗呢間居酒屋。以紅黑兩色作主調，半懸掛紅色燈箱，燈光柔和，兩邊以卡座為主。見到有清酒無限制放題，岩晒今晚無黎嘅友人，要轉告先。怪唔之牆上放滿各式酒樽，居酒屋就咁之嘛……哈哈呢客唐揚豆池魚 ($62)，係去居酒屋必點之物(若果有嘅話)。炸得夠香脆，點佢送上嘅醬汁，甜甜地，兩啖一條食唔停口。串燒種類屬大路之選，想試多幾串，可以考慮呢個牛之拼盤 ($118)，包括牛舌，一口牛及牛肉蘆荀。牛舌唔係厚燒果種，加上黑椒及鹽調味，口感煙韌。一口牛內裏仍然帶少少紅色，入口有肉汁流出，成舊食有滿滿口感。而呢件牛肉蘆荀，集合蘆荀嘅鮮嫩口感及有質感嘅牛肉，相對另外兩串比較淡口味。跟住就係野菜天婦羅 ($88)，集合南瓜，粟米，茄子，甜薯及金菇幾款野菜。個天婦羅炸漿夠薄身，輕輕掛上係茄子身上，口感先有薄脆再有軟腍，唔會食到一口油，點埋個汁趁熱食啦喂。食完串串燒牛舌，有D唔係幾夠喉，叫客鹽燒牛舌丼 ($108)作主食。牛舌蓋滿飯面，再加上蔥絲作”緩衝”之用。鹽燒後嘅牛舌，咸咸香香，用黎配飯無難度。未去過宮崎，唔知去到搵唔搵到呢碗宮崎辛稻庭 ($92)呢? 材料有肉碎及椰菜，配上少少辣嘅湯底。稻庭烏冬份量都幾多，入口夠滑，口感夠彈性，食晒會相當飽肚。食完先見到有個二人餐，下次可以試下。
繼續閱讀
將軍澳新都城日式拉麵居酒屋三代目店內環境以紅黑色調為主，餐廳有卡位提供，採用開放式廚房設計，客人可以看到即煮過程。餐廳主打拉麵，亦有拌麵、丼飯、炸物、燒物、一口壽司等提供。薯仔沙律 鹽麴枝豆日式薯仔沙律綿密，味道酸酸甜甜，令人胃口大開。枝豆高纖高鉀，熱量很低，可以平衡飯餐營養。 唐揚豆池魚日本豆池魚細細條，十分厚肉，炸透後可以連骨吃，炸魚仔可以點上特製醬汁，酸甜有致。海之天婦羅海之天婦羅包括有蝦、鯛魚、黑松露帶子、墨魚、紫蘇葉及金菇，天婦羅炸漿很薄，海鮮入口依然可以嚐到其鮮甜味。宮崎辛麵宮崎辛麵其實是帶辣味烏冬，配料有大量椰菜、肉碎及蛋，入口熱辣辣，感覺飽肚溫暖，是值得推介的comfort food。豚肉醬油魚介拌麵這個拌麵有多種食材，包括櫻花蝦、紫洋蔥、筍絲、木魚粉、帶皮叉燒等，將雞蛋與麵條拌勻，口感層次豐富。
繼續閱讀
喺新都城中心一樓盡頭，就有呢一間日本餐廳三代目，之前都行過唔少次，一路都冇時間試吓。今日夜晚就決定同朋友嚟呢度一試！餐廳裝潢都幾別緻，兩至三人的卡座呈現半圓形，有點像半開放式的獨立空間，感覺有種高級感，而且兩人坐絕對好寬敞。鮮海膽$68鮮海膽入口軟滑即溶，帶有淡淡海水鮮味，一啖入口非常滿足。佢嘅壽司飯亦都夠黏性，整得唔錯。燒一口牛 $45一口牛肉質軟腍，有些少韌勁，牛味濃郁，簡單配以鹽和黑椒，已經帶出牛肉的香氣。鹽燒牛舌丼 $108我朋友係衝着牛舌而來，所以見到呢個牛舌丼就二話不說要點了。牛舌即叫即燒，經過燒制的牛舌令到牛油更甘香，口感彈牙，食得出油脂。配上香蔥，更增添爽脆同解膩。味噌甲羅燒 $98蟹膏超級多，鋪滿整個蟹蓋，食前只需將鵪鶉蛋與蟹膏和蟹籽攪拌，佢會配埋白飯同紫菜，在紫菜上面放上白飯同蟹膏醬，每一口都食到蟹籽嘅爽脆同蟹膏嘅鮮味，好好食！海之天婦羅 $118拼盤分別有蝦，鯛魚，黑松露帶子，墨魚，紫蘇葉，我最鍾意就係佢個黑松露帶子，帶子爽彈，有黑松露香，而且整體來說，佢的炸粉非常薄，有酥脆感，唔覺得油膩。蝦天婦羅亦都好新鮮。以整個環境嚟講，我覺得性價比都唔錯。餐廳仲有唔少拉麵選擇，下次都想試下！
繼續閱讀
去到一個以拉麵同居酒屋為主的餐廳、想食下拉麵🍜、將軍澳都幾多野可以選擇、不過好少甘靚架裝修😋以日式居酒屋為主題、依個設計比我唸起火影忍者、三代火影🤣以紅黑為主題、以木板為主、都幾高水準架裝飾！比較欣賞他的圓形放筷子🤣肥脂分布平均、一啖肥膏一啖瘦肉剛剛好、加上溫泉蛋、蛋黃呈現黃金色、嫩滑口感、一流👍🏻麵質有彈性、咬落有煙韌、朋友就比較喜愛比較呢一粗硬的質感🤣雖一缺點、麵比較少、食完沒有飽肚感😀而我就叫碗牛肉、不過牛肉比較老、比較難咬 、湯底就似日本湯底、濃郁惹味😝個人喜愛比較淋的麵質、因為麵質更入味！朋友喜愛食比較茶味香濃的、所以覺得好好飲、因他都茶比水果更出色！比較澀！而我就喜歡比較水果味的、所以對他就一般般、因為他不太甜、而且比較澀、覺得有少少苦🤣非常清酒香的扇貝、加上蒜頭、食完都有陣陣酒香😆雞泡魚干就不過不失、不過以這個價錢來說都算物超所值😀仲有清酒放題、酒鬼可以試一試、不過我就好少飲酒😂
繼續閱讀
食物方面：-午市套餐，豚肉飯，有沙律，麵豉湯，溫泉蛋。豚肉幾好味同既林下，撈埋溫泉蛋食，又香又滑😆😋-加錢有小食，好似$20，叫咗份炸雞，3件，都幾大件😆味道都唔錯👍🏼-甜品係cheese cake，都ok服務方面：正常環境方面：座位都舒服，環境唔會太嘈，傾計都ok性價比方面：味道同價錢都相符👍🏼如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆
繼續閱讀