Simply Waffles X Mr. 閔 (新都城中心三期) (已結業)

呢間餐廳比較隱蔽，喺新都城三期扶手電梯落嘅一個角落頭，全間餐廳以粉紅色、白色為主題，好少女心🤣有晚市套餐、有甜品，因為係即叫即整，所以等嘅時間都耐啲，預大概15分鐘左右。年糕無骨雞套餐 $68 呢個價錢食到一個套餐，真係幾抵食，年糕煙韌大大條有咬口，佢個醬汁係微辣，唔算好辣，入邊有魚片高麗菜同埋蟹柳絲等等配料～ 鍾意食佢個炸雞，因為新鮮炸好，所以食落外脆內軟！叫咗荔枝梳打，入邊真係有一粒荔枝，幾清新，解辣🤣 紫菜飯卷加無骨雞套餐$68 紫菜飯卷嘅配料入邊有醃豬肉、紅蘿蔔、青瓜、醃蘿蔔等等，識落幾爽口，另外都係有外脆內軟嘅炸雞！ 玫瑰花茶加 $5入邊有好多玫瑰花瓣，味道清甜。