TC Bistro (已結業)

新蒲崗Mikiki對出有好多小店，之前去過好幾間，但無去一排，已經換左啲新嘅西餐廳，就去試下餐廳燈光暗暗地，播放著悠閒嘅慢歌，幾寧靜。晚餐有主食、意粉、小食等選擇，見到有龍蝦就叫左半隻而朋友鍾意食羊架，所以亦都叫左黎試加50蚊就可以轉晚餐，晚餐包沙律、餐湯及飲品。我覺得隻碟好靚， 所以不禁影左，唔講以為餐廳主要食牛先送上沙律，沙律完全係製作認真，有大大塊Parma ham，而且沙律菜十分新鮮，不過覺得如果多啲醋就更加好最特別係有少少無花果，幾好食是日餐湯係雜菜湯，雜菜湯好多料，而且湯味非常香濃我幾中意食佢個香草包，焗到外脆內軟，非常好食主菜龍蝦半隻，新鮮焗起，面上有少少芝士，而且仲配左好多磨菇粒一齊焗整法都幾特別，龍蝦肉爽口新鮮夾埋蘑菇粒一齊食，相當有口感配菜仲有粟米、西蘭花及烤薯。不過配菜我覺得稍為淡味咗少少，比較健康值得一讚係餐廳將龍蝦起左肉，所以一用叉就可以叉起黎食，啖啖肉，非常方便羊架黎都大大份，非常厚切，面上佈滿麵包糠，仲有燒汁、薄荷醬及芥末醬比你點羊架叫左七成，切開係粉紅色，煮得剛剛好｡配菜方面有炸洋蔥圈、烤粟米、薯仔及西蘭花， 仲有烤蒜頭，勁香餐廳食物質素唔錯，坐得舒服，