影片
更多
2022-04-19
4970 瀏覽
趁住復活節假期，就去左文華東方快船廊食下午茶🫖，秉承住英式下午茶嘅傳統，非常之優雅，絕無花巧，實而不華，成為城中嘅經典，適逢復活節餐廳都會有一啲復活節嘅裝飾，喺枱面都會擺咗幾隻復活蛋🥚，有啲節日嘅氣氛🎉，而且侍應都係一貫嘅專業同親切，令人有賓至如歸嘅感覺Spring Afternoon Tea For Two ($708)文華東方茶🫖文華東方自己調配嘅係呢度嘅招牌，顏色會比較深，茶味濃，會帶有一啲雲呢拿同薰衣草味，同埋會有少少焦糖嘅味👍🏻果味薑茶🫖會有一啲金橘類生果味，少少玉桂味同埋薑味，而姜嘅辣味唔會好辣，個感覺有少少似聖誕節呢度嘅餐具都係會用文華嘅銀器，連茶壺都係銀壺，保溫效果極佳唔會啲茶會凍，而且是應會不斷為客人refill啲熱水👍🏻十字包 🍞復活節酒店做額外有十字包，夠晒應節🥳，麵包油肉桂同埋提子乾，麵包鬆軟英式鬆餅🧈Scone係下午茶嘅靈魂😋，要做到鬆軟而濕潤，要有香濃嘅牛油味又唔會呈一粒粒粉狀，少啲工架都做唔到，呢度可以成為城中最好食嘅scone，可以做到鬆軟、濕潤、香濃於一身😍，再配埋佢招牌嘅玫瑰果醬🌹同clotted cream係完美嘅結合三文治🥪最底層有四款三文治，芫
趁住復活節假期，就去左文華東方快船廊食下午茶🫖，秉承住英式下午茶嘅傳統，非常之優雅，絕無花巧，實而不華，成為城中嘅經典，適逢復活節餐廳都會有一啲復活節嘅裝飾，喺枱面都會擺咗幾隻復活蛋🥚，有啲節日嘅氣氛🎉，而且侍應都係一貫嘅專業同親切，令人有賓至如歸嘅感覺
Spring Afternoon Tea For Two ($708)
文華東方茶🫖
文華東方自己調配嘅係呢度嘅招牌，顏色會比較深，茶味濃，會帶有一啲雲呢拿同薰衣草味，同埋會有少少焦糖嘅味👍🏻
果味薑茶🫖
會有一啲金橘類生果味，少少玉桂味同埋薑味，而姜嘅辣味唔會好辣，個感覺有少少似聖誕節
呢度嘅餐具都係會用文華嘅銀器，連茶壺都係銀壺，保溫效果極佳唔會啲茶會凍，而且是應會不斷為客人refill啲熱水👍🏻
十字包 🍞
復活節酒店做額外有十字包，夠晒應節🥳，麵包油肉桂同埋提子乾，麵包鬆軟
英式鬆餅🧈
Scone係下午茶嘅靈魂😋，要做到鬆軟而濕潤，要有香濃嘅牛油味又唔會呈一粒粒粉狀，少啲工架都做唔到，呢度可以成為城中最好食嘅scone，可以做到鬆軟、濕潤、香濃於一身😍，再配埋佢招牌嘅玫瑰果醬🌹同clotted cream係完美嘅結合
三文治🥪
最底層有四款三文治，芫荽雞蛋沙律，洋蔥吞拿魚羊奶，鮮蝦雞尾酒芒果生菜，黑椒煙燻牛肉酸奶油，後面嗰兩款會比較出色小小嘅，鮮蝦爽口彈牙🦐，最有芒果少少酸甜嘅味道，味道清新。煙燻牛肉都做得唔錯，會比較濃味，個醬汁好惹味，建議最後先試呢份三文治
法式蘑菇松露酥皮盒🍄
個酥皮盒都有香濃嘅牛油味，但係略嫌唔夠酥脆，個蘑菇餡料就非常濃郁🍄
榛子馬德蓮蛋糕🌰
形狀脹卜卜，造型好靚，蛋糕濕潤有濃郁嘅蛋香，喺角落仲有好多榛子碎碎，唔好睇小佢咁少但係係非常之香濃可口
1963文華芝士餅🧀
呢個都係文華嘅招牌甜品之一，芝士蛋糕口感細膩香滑，芝士味濃郁
薩克蛋糕🍫
香濃嘅朱古力蛋糕，但係口感比較厚實
青檸撻🥧
有烤烘過嘅蛋白，口感輕盈，係略嫌歌青檸味唔夠突出可以再酸少少
雲呢嗱紅果慕絲🍓
顏色已經非常之吸引，會有少少紅石榴乾，中間係一啲雲呢拿慕絲，底下係一啲紅果果醬，酸酸甜甜，慕絲creamy，果味濃郁🥰
朱古力榛子蛋糕🍰
酒店仲送咗個迷你蛋糕，俾我哋慶祝生日，朱古力純厚香濃🍫榛子慕絲🌰絲滑順口，底下仲有榛子脆脆餅底，增加蛋糕嘅口感同埋令到個榛子味更加濃郁，估唔到贈送嘅甜品係成個下午茶最好食嘅甜品😊
成個下午茶個份量都幾大，唔少人都要打包走，建議你食下午茶之前真係要留肚唔好食嘢😜
張貼
