梅花邨小館

營業中

休息中

想黎試好耐，但住既地方離北角好遠，一路都懶冇去到。終於今次下定決心要黎，就搵左個朋友一齊黎試。一入到去，擺設擺位有少少似茶樓，圓枱，枱上有茶樓用既個種圓型小茶杯同茶壺。睇完餐牌，因為人少，所以只叫兩樣。第一樣叫既當然係鹵水拼盤，入黎打冷店，我諗呢個都係必試啦！鹵水偏咸(我指既係比我食開既更咸。)，因此鹵水特有既味道減弱左。未係我食過最好味既鹵味，有點特別既係有海蜇，係咸左D，算係唔錯！然後第二樣當然係佢出名既沙嗲牛肉炒河。好多牛肉，唔韌，有D仲幾腍。佢既沙嗲醬應該配埋左好重既花生醬入去，令到成碟炒河花生醬味都好濃，非常可口！而最估唔到既係河粉竟然都入入地味！真怪不得間唔時就有人推介我去食啦！呢度最讓我印象深刻既唔係食物，而係佢既乾淨，可能我見識少，我從未見過咁乾淨既潮州打冷店。一般既打冷店都係由一班阿叔打理，點都唔會乾淨得去邊，就算ok乾淨，都唔會裝修得好靚。但呢間唔同，乾淨，裝修亦有少少傳統中國味道(可惜冇影相)，所以我覺得帶女仔黎都冇問題。