日本野 (銅鑼灣廣場二期) (已結業)

同朋友食咩好，甘當然要來食日本野啦，種類選擇多又美味。每次必食既霜降牛肉壽喜燒，牛肉好大塊且肉質嫩滑，牛味濃郁。娃娃菜，冬菇等疏菜煮後更鮮甜。食壽喜燒就當然要揀烏冬，烏冬滑捋捋又吸收晒湯汁，真係好惹味。石燒霜降牛小排，自己用石爐燒可以控制肉既生熟度，牛肉雪花紋理好靚，口感入口即溶，配上珍珠米飯，好滿足。套餐仲可以追加小食，分別揀左芝士年糕同和風炒野菜。芝士年糕炸得好脆，入面芝士好香，仲係流心架。炒野菜份量好多，有椰菜，露笋，小玉米等，新鮮脆甜。當然唔可以錯過美味既串燒，炭燒雞腎，牛舌，黑豚五花肉，即點即燒，加埋脆味雞軟骨，炸得香脆，送酒一流。火炙壽司都唔好錯過吖，經過火炙既三文魚，魚油香勁濃又入口即化，令人回味。同朋友暢談一晚又食到美味既食物，人生一大美事。