影片
更多
2019-11-09
41 瀏覽
去完大圍想係呢頭食，又上openrice 搵到呢間評價唔錯嘅，重點係可以泊低架車，就碌咗入黎食。 呢間餐廳係酒吧mix 西餐格局，燈光比較昏暗，樓底都高，而且有好大盞吊燈，好有舊式歐陸風。 睇返有咩食，有單點同個人set 同2人set，2人set 嘅野係相對上抵食啲嘅，又唔洗諗，就佢啦。 先上鴨胸沙律，就咁影相睇唔出，其實個沙律分量唔算細，2人分咗三次先食晒，沙律係配醋汁，醒胃～ 跟住就係湯，一個係磨菇湯，一個加$15 蚊轉龍蝦湯，就咁望好似無乜特別咁，但磨菇湯啲菇磨咗蓉好香菇味，有少少咬口之餘味道亦好rich，龍蝦湯比較特別嘅係真係有龍蝦肉係入面。 再黎就上主菜，龍蝦有足半隻，而且係滿滿龍蝦籽，意粉就有 蘆筍洋葱，好滿足。 肉眼扒店員係order 嘅時間都有問要幾成熟，雖然無講份量，不過都幾大塊，而牛扒上面都放咗有焦糖嘅菠蘿，牛扒加菠蘿嘅味道都幾夾，配菜都係大大份而且薯角係非常新鮮香脆，送啤酒嘅超一流，可惜揸車無得飲。 最尾上甜品，係Tiramisu黎，其實已經好飽，好在份量都係啱啱好，味道唔係得齋甜，反而有浸過咖啡嘅Lady finger 呢下傳統做法加分。 整體上呢度唔係sell
呢間餐廳係酒吧mix 西餐格局，燈光比較昏暗，樓底都高，而且有好大盞吊燈，好有舊式歐陸風。
睇返有咩食，有單點同個人set 同2人set，2人set 嘅野係相對上抵食啲嘅，又唔洗諗，就佢啦。
先上鴨胸沙律，就咁影相睇唔出，其實個沙律分量唔算細，2人分咗三次先食晒，沙律係配醋汁，醒胃～
跟住就係湯，一個係磨菇湯，一個加$15 蚊轉龍蝦湯，就咁望好似無乜特別咁，但磨菇湯啲菇磨咗蓉好香菇味，有少少咬口之餘味道亦好rich，龍蝦湯比較特別嘅係真係有龍蝦肉係入面。
再黎就上主菜，龍蝦有足半隻，而且係滿滿龍蝦籽，意粉就有 蘆筍洋葱，好滿足。
肉眼扒店員係order 嘅時間都有問要幾成熟，雖然無講份量，不過都幾大塊，而牛扒上面都放咗有焦糖嘅菠蘿，牛扒加菠蘿嘅味道都幾夾，配菜都係大大份而且薯角係非常新鮮香脆，送啤酒嘅超一流，可惜揸車無得飲。
最尾上甜品，係Tiramisu黎，其實已經好飽，好在份量都係啱啱好，味道唔係得齋甜，反而有浸過咖啡嘅Lady finger 呢下傳統做法加分。
整體上呢度唔係sell 浮誇，sell 食物質素好同份量夠，揸車嘅周圍都泊到車，要飲酒嘅又得，唔去沙田食大集團嘅黎大圍食下小店都唔錯。
張貼
