一杯屋 (已結業)

本身今日同兩個囡諗住慶祝一下考完試，諗住出黎食好西😋點知揀左一杯屋，勁勁勁中伏，我地六點去到，成個場得兩枱客，第一轉叫左雞腎、墨魚咀、雞翼、飯團🍙野食麻麻地好食，啲野勁咸，出野勁慢，已經用QRcode 自己落單,坐左喺角落頭，叫極都冇人理我，完全冇服務，但收你10%服務費。第一轉落既飯團🍙追左好多次，過左成粒鐘先黎，明明第一轉個場都未係好多人，都要等咁耐！第二轉加單，佢話因為加單要等耐少少，要等15分鐘，15分鐘都係未有，最後嬲到埋單走人😤呢間野可一不可再，完全唔係路。