牛一哥韓式燒烤放題

營業中

休息中

最近天氣凍，好容易就肚餓，所以特別想食放題。今日同細佬黎到旺角創興廣場，見到牛一哥韓式燒烤做晚市$248兩小時放題，包飲包食真係好抵，於是就入內進餐。一入到餐廳，見到餐廳空間好大，裝修企理，餐廳入面以四人卡位為主，我地兩個人獲安排坐四人卡位，坐得非常闊落。我地入座後，職員非常快手俾咗一個九宮格牛盛盒，入面非常豐富，有九碟唔同種類嘅肉，包括：牛仔骨、牛舌、青衣魚柳、雞翼、豬頸肉等等， 不能盡錄盡。除左九宮格外，仲可以出去自助區攞生菜、泡菜、沙律、壽司、生果等及不同種類嘅調味料。清曬九宮格牛盛盒後，我地再用手機 scan qr code試其他食物， 包括有： 燻鴨、鮮蝦、扇貝、 金菇肥牛卷、 杏鮑菇、芝士腸、茄子等。餐廳嘅肉類食材調味等真的不錯，聽講係由韓國廚師主理。餐廳除咗放題之外仲可以散叫菜品，例如：醬油蟹、韓式生牛肉、韓國鰻魚等等，不過我地今次就無叫到啦，就咁放題嘅食物已經食到我地非常飽、非常滿足。食完主食後，我地仲係自助區攞咗好多杯雪糕做甜品添。