亞玉豆腐花

營業中

休息中

嗰日經過路德圍，嗰度小店食肆林立，仲聞到陣陣炸雞的香味，非常吸引！但我地啱啱食過晚飯，唔係好想食太多嘢，於是就冇買到炸雞食。再行遠些少，見到兩條長長嘅人龍，好奇係排緊咩！原來係兩檔豆品店！當晚氣溫只有八度左右，「亞玉」條人龍都唔算短呀，咁我地都照排啦！我地原先打算買兩碗熱豆腐花就算，但係諗到橫掂要排咁耐，不如買多幾樣嘢啦！於是就買埋兩枝低糖黑豆漿再加兩蚊試吓個砵仔糕！我加咗大量紅糖落碗熱豆腐花度，好好味呀！砵仔糕細細粒但煙煙韌韌，紅豆都算幾多嘅！黑豆漿豆味濃郁，好飲！經過嘅話都不妨幫襯吓「亞玉」啦！