富臨酒家

營業中

休息中

雖然酒樓就係屋企附近，但因為同家人夜晚好少去酒樓食飯所以就冇幫襯過富臨嘅晚市。今日就心血來潮同屋企人嚟食下晚飯。知客好友善，會推介下食咩好。晚市有好多精選小菜揀我地叫咗個金銀菜燉白肺($128)，份量好多，侍應話足夠六至八人飲用。足足有一大碟湯渣，有瘦肉、豬肺、雞腳同金銀菜。豬肺洗得好乾淨，而且份量好多又大件。鼓汁蒸白鱔($108)一般出面食嘅鱔都會又細又幼，今次食依條size適中，都幾新鮮。味道唔會過喊，口感爽口，魚皮彈牙。海參花菇玉掌煲($108)花菇又大又腍，海參如果可以炆得軟熟d會更好。