影片
更多
2023-03-03
343 瀏覽
果日行完PMQ, 沿鴨巴甸街落番中上環先食野，點知行到九如坊，見到一間叫A bowl of…既小店，正當望緊門口個大餐牌時，老闆響店內走左落黎為我地介紹食物。由於俾佢既誠意打動左，所以決定食埋先走。由於新開既關係，裝修光猛。老闆亦係愛茶之人，店內有唔少同茶有關既擺設。而開放式廚房亦整意大利三文治既誕生地，整間店完全體現咩係中西合璧。食物方面，哩間店係售賣意大利三文治為主，加幾款湯，再加幾款意大利汽水，而且會有中國茶供應，可算既特別之處。我地叫左蕃茄濃湯，三個包，分別係巴馬火腿水牛芝士、辣肉腸水牛芝士同埋火雞波羅伏洛芝士意式三文治，另外要左兩支野飲：有機有汽血橙同有機蜜桃茶。兩支野飲都有個共通點，就係唔會死甜。蜜桃茶桃香濃郁，而有汽血橙既解渴亦唔會有太多汽令個胃谷住谷住，係令人回味既味道。再黎係蕃茄濃湯。濃郁既蕃茄味加上豐富切碎左既什菜粒，成為一個開胃既湯品。主菜既三個包都係用同一款既包，老闆話係每日自己整既，足見其誠意。巴馬火腿三文治：巴馬火腿既咸香唔會過咸，加埋火箭菜同水牛芝士，再加上搽左牛油既三文治包，滿足得黎唔會太heavy。辣肉腸水牛芝士三文治：最初以為係好似pizza咁一塊塊
由於新開既關係，裝修光猛。老闆亦係愛茶之人，店內有唔少同茶有關既擺設。而開放式廚房亦整意大利三文治既誕生地，整間店完全體現咩係中西合璧。
食物方面，哩間店係售賣意大利三文治為主，加幾款湯，再加幾款意大利汽水，而且會有中國茶供應，可算既特別之處。
我地叫左蕃茄濃湯，三個包，分別係巴馬火腿水牛芝士、辣肉腸水牛芝士同埋火雞波羅伏洛芝士意式三文治，另外要左兩支野飲：有機有汽血橙同有機蜜桃茶。兩支野飲都有個共通點，就係唔會死甜。蜜桃茶桃香濃郁，而有汽血橙既解渴亦唔會有太多汽令個胃谷住谷住，係令人回味既味道。
再黎係蕃茄濃湯。濃郁既蕃茄味加上豐富切碎左既什菜粒，成為一個開胃既湯品。
主菜既三個包都係用同一款既包，老闆話係每日自己整既，足見其誠意。
巴馬火腿三文治：巴馬火腿既咸香唔會過咸，加埋火箭菜同水牛芝士，再加上搽左牛油既三文治包，滿足得黎唔會太heavy。
辣肉腸水牛芝士三文治：最初以為係好似pizza咁一塊塊咁上，點知老闆係話會以肉醬果既型態，但味道係辣肉腸咁樣。哩種做法我就未見過（可能只係我大鄉里出城）。我本身做唔係好食辣，但我都食到。食食下會有肉油滲出黎，好在份紙夠厚，如果唔係都應該會食得幾狼狽。
火雞三文治並冇一般火雞既鞋口，加埋火箭菜同埋波羅伏洛芝士，再加埋帶有牛油既包，整個感覺好滿足。
最後老闆送左兩杯牡丹茶俾我地飲，茶香得黎更可以解膩，為哩餐畫上一個完美嘅句號。
埋單接近400，哩中上環黎講價錢尚算合理。後記：老闆好健談，仲分享左佢學茶既過程同心得，我地建議佢可以舉辦品茶工作坊，作為同各愛茶人士交流既橋樑。
張貼
