稻香.茶居 (淘大商場1期) (已結業)

今日係清明節後嘅第一個禮拜日，約好兄弟姊妹及家庭成員一齊去拜山，難得咁齊人於是訂咗淘大商場嘅稻香茶居惗住刷餐勁嘅。之前都係訂海港嘅惗住這次轉下環境試下其他餐廳，由於人數多所以訂咗兩圍枱又唔想惗菜式就叫咗兩圍嘅東星發財龍蝦宴。見到菜單有咁多海鮮以為好抵食，點知上菜後大失所望，龍蝦伊面基本上係完全冇味，我惗係師傅唔記得咗落鹽，頂唔順，叫侍應攞回去加些味啦，再煮返出嚟啲伊面已經煮到淋曬夾都夾唔起。炸蟹鉗死死實實咬到牙都軟。雞絲翅完全無翅水汪汪得幾條肉絲。蒸鮑魚應該是急凍的完全吃不出海鮮嘅味道。蒸東星斑食落口又嚡又柴完全唔似游水魚。整個餐基本上沒那道菜可以稱讚。一句講曬就係難食。今日係假期我見个場面都冷冷清清，應該係好多人中咗伏之後都唔會再嚟幫襯，包括我。