稻香.茶居 (淘大商場1期) (已結業)

今日係清明節後嘅第一個禮拜日，約好兄弟姊妹及家庭成員一齊去拜山，難得咁齊人於是訂咗淘大商場嘅稻香茶居惗住刷餐勁嘅。之前都係訂海港嘅惗住這次轉下環境試下其他餐廳，由於人數多所以訂咗兩圍枱又唔想惗菜式就叫咗兩圍嘅東星發財龍蝦宴。見到菜單有咁多海鮮以為好抵食，點知上菜後大失所望，龍蝦伊面基本上係完全冇味，我惗係師傅唔記得咗落鹽，頂唔順，叫侍應攞回去加些味啦，再煮返出嚟啲伊面已經煮到淋曬夾都夾唔起。炸蟹鉗死死實實咬到牙都軟。雞絲翅完全無翅水汪汪得幾條肉絲。蒸鮑魚應該是急凍的完全吃不出海鮮嘅味道。蒸東星斑食落口又嚡又柴完全唔似游水魚。整個餐基本上沒那道菜可以稱讚。一句講曬就係難食。今日係假期我見个場面都冷冷清清，應該係好多人中咗伏之後都唔會再嚟幫襯，包括我。

稻香呢幾年每逢四月，都有一蚊一隻雞供應，可惜只限一至五，星期六日就要38，咁抵，今晚去試下。今日星期日，38文一隻烤雞，原隻上，皮脆，味道唔錯，雞肉較鞋，但都算抵食，另外要了龍蝦伊麪，波士頓龍蝦，一分為二，蝦肉爽及鮮甜，唔錯，海虾什菜煲就普通，料的確多，但虾不新鮮，菜太淋，酒樓要改善一下了。

臨近新年都會黎個家庭聚餐， 一家大細， 扶老攜幼咁一齊食餐飯因為長輩住附近， 所以預訂左黎呢度食晚飯成個set 都係傳統菜式順序， 蒸魚燒雞菜 湯啊果d 我地另外再order 左燒鵝一隻本身有屋企人有事要晏少少到， 隔離果阿姐不停地問幾時起菜， 好似佢仲趕過我地咁， 成間鋪得4成入座左右， 阿姐每15分鐘就黎問問問。 齊人上菜之後， 一如所料， d 餸係唔熱的， 者係其實廚房應該一早煮好， 投先係咁催就係因為驚出餐唔夠熱， 我地話d 送唔夠熱d 阿姐仲話不如拎返入去再炒，下， 咁都得。 都照食la 到食曬d 餸， 上生果（係柑黎， 唔係果盤） 既時候， 阿姐就係咁過黎收碟， 講左幾次唔洗收， 因為就咁揻完食就得， 阿姐都keep 住堅持要行埋黎收， 成晚食咁多碟餸， 係唔黎收， 最尾唔洗收又堅持收。 成餐飯得單點既燒鵝夠熱係好食dd

星期五，返晏。早一日應承同爸爸食brunch。本來唸住帶佢去食個all day breakfast 但老人家始終鍾意啲傳統嘅食物，所以順佢意去飲早茶。平時好少同佢出去食早餐，通常屋企簡單食個包或麥皮。今日同佢去咗稻香飲早茶。大約10:30到，唔算太多人，街坊同老人家居多，大約等10分鐘有位。坐低每枱有自助冲茶几（朋友話已經有好耐，大鄉里:] ）叫咗幾款特價點心，$12.8一份另外正價點心，11:30前結帳離座6折。我哋都係食啲基本蒸嘅包點為主，味道都幾好，份量剛好。我覺得款式比美心多，坐得都舒服我爸爸要坐輪椅，通道算寛闊。#早餐 #breakfast #早茶 #點心#燒賣 #牛肉 #叉燒包 #糯米糍 #辛苦搵嚟自在食 #food #foodporn #foodlovers #yummy #foodie #foodbubbles #yummyyummyfoodhk #hkig

服務態度極度差，張枱滿晒叫佢清一清啲食完嘅碟，個阿姐黑面反白眼。啲碗碟極油！！！！叫佢更換又黑面。成程飯冇人過嚟幫手清下枱面啲已食完碟………………………………….

本人及家人是日晚上到淘大稻香享用了一餐非常之令人難忘的晚餐！服務質素簡直一絕-十分之差！服務費收足！但是沒有服務可言！投訴內容：1）舉手舉好耐都冇人理會！2）酒水杯都要自己攞！3）落單叫餸，話冇得加單？4）服務員更道出”我很忙，唔係淨係招呼你哋一台”真係千其百趣！我從來都冇試過去一間食肆話冇得加送條餸！詳情如下：落完單後想加餸向服務員-盧錦榮先生查詢，他回覆說冇得落，問他因由？我正價買都唔得嗎？他說”無，冇得解”。令人十分之困惑，什麼叫冇得解？他更道出”他（盧錦榮）很忙，唔係淨係招呼你哋一台”！而且未答完就離開了。其後，我們招了另外一個服務阿姨過來查詢，阿姨說我們是8:20入咗，叫唔到呢個優惠，然後我們說我們正價叫呢個餸，得唔得？她說唔得，除非我們埋了單重新入座。還叫我們出門口看清楚。貴公司的的優惠條款真係很好笑！員工的服務態度更是一絕！如果唔夠人手做嘢，請安排多D人返工！真係安排唔到咁多人上班，就唔好做咁多台客啦！安排了客人入座，但係沒有服務！唔想做生意的，請早d揚聲！我們也不是必須要食您們這一間！這樣的服務質素還連鎖飲食集團？

今晚一行8人，在淘大稻香晚餐，主要點了一個四人套餐，有龍虾伊䴴，干燒大明虾，花膠豆腐，鮑魚汽鍋湯，清蒸大龍躉，另單點了黑松露义燒，菠蘿咕嚕肉，乳豬。食物OK，湯很清甜，乳豬有驚喜，皮脆肉鮮.

星期天，家庭楽，一行八人上酒樓吃飯🍚。啫啫通菜煲～算是不錯👍🏻金銀蛋莧菜～味道也很好👍🏻生炒排骨～也就是－般。片皮鴨一隻$88 抵食但味道可真是一般般，鴨皮都不脆了，伴菜京蔥都乾晒，真的無語😓其他菜式不似預期！大集團食物水準如此下降！有待進步！

假日同家人飲茶，見茶居有特價點心就去試試，2點左右去到已經有人等緊位，幸好等候時間都不算太長，大概20分鐘左右就可以入座。坐低洗完杯，電子落單都幾方便，可以自己睇到就按下單。揀咗幾款點心試，有燒賣，五味骨，炸雲吞。款式都好多，一次試唔哂三式燒賣係將平時嘅蟹籽改為蝦，蟹肉或鮑魚，味道都算唔錯，價錢實惠可以一試。五味骨非常香口，味道唔錯，由於用五味粉做調味，所以有少少辣，辣度很少，我平時不吃辣，但都可以接受，仲食咗半碟炸雲吞就係將平時食雲吞麵嘅雲吞炸，最初以為好似錦鹵雲吞，但原來唔係，不過依價錢黎計，整體都算不過不失。最後付上幾張相片分享

呢一間環境舒適，衛生都OK，點心都來得好快，食物質素也不錯，特別係流心奶黃包，真係流到成個咀都係，另外個腸粉都係做到好滑。雞腳湯雖然雞腳得幾隻，但嗰湯都係好飲嘅👍燒賣夠特別

同屋企人夜晚去食稻香，叫左幾個小菜，最抵食嘅就係乳鴿，一蚊一隻，同沙田乳鴿店嘅乳鴨味道冇太大差別，所以我覺得好抵食。另外嗌多兩三個小菜，晚飯三百零蚊找數，價錢合理

老牌茶樓，以前同人飲茶都中意去稻香，但係現在已經唔一樣。唔係好多人，基本滿座。2個服務員一個西樣，揚手叫幫手2次都一樣唔理！1個係咁，2個都係咁，第2個行到眼前1米都望我一眼都唔停低，仲眼渺渺翻白眼，我比錢飲茶係比你渺噶？？菜式中規中矩，感覺同以前差唔多，轉左自動倒水系統，唔洗等人斟，即煲即沖，水滾沖茶好正。但係第一次操作應該要浪費d時間研究下，無人教，要問過先知。部長好好人，好耐心接待。但係都係果句，2個阿姐好似當我透明緊，見到扮見唔到，仲要嘴渺渺，無下次！

一蚊一隻雞就冇啦，稻香依家推出一蚊一隻乳鴿，適逢明天假期，就專程去試下，好彩早到，唔使等就有位，唔夠10分鐘就已經有一大班人等緊。乳鴿🐦必試 - 原隻上枱真係有點嚇人，按人頭計，可以一人一隻，如果唔係要收正價$48，好彩酒樓有提供✂️俾我地剪開佢，如果食隻咬真係有點…….上湯龍蝦🦞伊麵 （2斤）- 肉質唔爽，唔算好，但$398一隻，又想點呢？菠蘿🍍咕嚕肉 - 尼個皮脆，香口，好味金銀蛋🥚莧菜 - 正常，但無咩皮蛋同咸蛋，肉碎較多地址：淘大商場稻香茶居

年初四與眾家人在這裏晚飯開年, 全包宴亦算合理, 魚, 乳豬, 龍蝦, 🐓, 炒飯, 甜品, 碟頭份量足👍, 飲品亦已提供, 十二人份量足夠, 更有私家廂房, 私隱度極高, 大時大節, 這個包餐收費無異議

家人於2022年12月19日預訂2023年1月8日在淘大商場-稻香茶居晚飯，預訂全包宴(房打牌)一席12人餐(HK$3,688+$628.00升級3斤澳洲龍蝦-見圖片)。攞完房，家人向侍應攞房內電視機遙控器開電視看，遲遲未能提供；我們嘗試在電視旁的開關制開電視，但是電視旁找了好久都未能發現開關制；再向侍應查詢時，他說沒有網絡睇唔到電視。之後其他家庭成員陸續到來(已相隔一段時間了)，家人説酒樓外面(在商場內)大型連鎖店正在播放電視中，我們再向侍應攞房內電視機遙控及開電視收看；如果無網絡的話，我們自行投放影片收看，另一個侍應才說電視壞了，不能開😰😰大約7:30通知侍應可以上菜，約7:45左右開始上菜，第一度菜是喜慶大紅金豬(乳豬全體)，食物是凍的並有層呤㕸㕸啲油光，不夠乾身(見圖片)；第二度菜是我們+$628升級的3斤澳洲龍蝦(見圖片)，目測根本沒有3斤重，其次是食物不是熱辣辣的，而是暖偏凍、龍蝦不彈牙是啉(似唔新鮮食材)。之前我哋買了隻3斤重啲新鮮生猛龍蝦在家烹煮(見圖片，影片上載唔到)真的是天淵之別。家人到門口接待處付款時，收銀員亦沒有向我的家人問是不是會員便結賬了。家人結賬後再到房間