90s Lazy (山東街)

營業中

休息中

之前見到有promotion諗住同朋友一齊體驗下，但係大家都好忙，最後都係錯過咗，不過既然約定左就嚟試吓啦⋯⋯我哋嗌咗四款嘢食第一個就係（粟米脆片配蕃茄莎莎 ）$48我個friend話好似超市買嗰款粟米脆片，配上呢個蕃茄嘅莎莎感覺好特別，食完之後即刻好想去超市買返包第二個就係（懶人小食拼盤）$128叫得懶人小食拼盤就梗係唔使諗乜都有啦入邊有四款小食：香辣炸雞翼、炸洋蔥圈、曲條薯條、炸芝士條全部都係炸嘢結果我個friend就食完咬親條脷，哈哈我最期待嘅就係炸芝士條不過可能唔係即刻食嘅話冇咗拉絲嘅後果第三個就係（牛油果煙三文魚薄餅）$108諗住食咗咁多熱氣嘢就嗌一個比較清新嘅薄餅，但係煙三文魚感覺有啲腥，唔夠新鮮，呢個就比較失望啦第四個就係（黑松露帶子忌廉汁意大利飯）$118見頭先嗰個海鮮以為帶子都係咁，但係出奇地佢煎得好香同好好食。