Asiri

營業中

休息中

Asiri門面望落整齊乾淨，所以就吸引左我入去。入到去店鋪既裝修十分簡約，無太多既佈置，十分簡潔。三個人一人叫左一個餐，每個餐都配沙律、飯同飲品。沙律細細碟，但係有我最喜歡既薯仔蛋沙律，小蕃茄仲好新鮮，好多汁，好似要爆出黎咁。朋友叫左最出名既北海道湯咖哩配雞，飯同咖哩係分開上雞腿肉仲已經起哂骨，岩哂我呢D懶人，老板娘教我地正宗食法係要一啖飯再浸入湯咁食。雞好嫩滑，D肉一吉就撕得開。另一位朋友叫左西京燒左口魚，魚煎得剛剛好，吾會乾，中意佢個汁甜甜香香咁。我自己就點左石狩鍋三文魚雜菜湯，湯入面有好多吾同既菜，仲有個湯食到最後都好熱，個湯好重三文魚味道，魚油味都十分重。LIKE!