福彩海鮮酒家

營業中

休息中

今晚同家人一起食慶祝中秋嘅做節飯，揀咗$2888套餐。燒味拼盤，乳豬塊皮薄薄地仲脆卜卜，叉燒太厚燒得太硬。家庭式小菜，又唔係咩集團式大酒樓，都勉勉強強合格，總算過得去。其中一個不滿意係，套餐最後無飯麵，根本唔夠飽。第二個不滿意係，有一位傳菜員黑口黑面得好緊要，要我地幫佢執埋枱黎請佢落餸，兩面胭脂查到好似七月份咁，影響食慾。另外全晚最好味，竟然係佢碟紅棗糕點。煙煙un un 仲有少少薑味，真係好食，其他一般。