2017-05-10
1441 瀏覽
今日忽然好想飲湯,於是同老婆去我地嘅飯堂開飯。先叫左半份嘅是日老火湯($60),係川貝雪梨豬肉湯,湯頭清清地,夠滋潤,仲有一小碟湯渣食下,有紅蘿蔔同豬肉架,而雖然係半份湯但每人都飲到三碗,幾抵飲。今晚決定唔叫白飯,於是嗌D可以就咁食嘅餸:蒜片一口牛柳粒($68)-前菜份量,牛柳粒唔多,而且完全見唔到蒜片wor...呢個一般。蘭花帶子炒螺片($158)例牌-都幾夠鑊氣,碟頭唔算好大,2個人食剛剛好,西蘭花夠爽脆,帶子都算入味,至於螺片個味道我反而覺得似桂花蚌。呢餐我主要因為碗湯而飽,亦因為碗湯而比like!
張貼