桂花小幸 (元朗廣場)

營業中

休息中

住附近次次想食台灣嘢就會直接嚟依間，因為價錢實惠，無論嘢食定嘢飲，選擇都好足夠！首先叫左個鹽酥雞扒滷肉飯（$59），幾抵食，個雞酥脆夠味，滷肉汁偏甜，五花肉入味鬆軟，撈飯一流。另外叫左三盛紅燒牛肉麵($75)，有腱心牛肉、牛腩、牛丸，腱心牛肉姐係牛腿嘅肌肉，肉好結實多汁，牛腩都好鬆軟。個湯好香，麵質略厭硬左少少，但都好入味好食！小食方面，叫左台灣烤香腸($28)，依個係好驚喜，外酥內軟，而且好多汁。野飲方面叫左芝士奶蓋桂花烏龍($30)同黑糖珍珠奶茶（$32），兩杯都不錯，芝士奶蓋偏鹹無乜甜味。簡簡單單同朋友食一餐，依間絕對係一個好嘅選擇。