家嫂一家大小

營業中

休息中

尖沙咀高質點心！家嫂廚房足料手工製作✨最近同屋企人去咗尖沙咀厚福街嘅【家嫂一家大小】飲茶，發現原來係一間臥虎藏龍嘅實力派點心小菜館！每樣點心都食得出係心機之作，絕對要推介俾大家！我哋當日點咗一圍點心，全部都好有驚喜：🥟 原隻雛蝦牙勺翅 (2位)呢個必點！個名好特別，其實係灌湯餃，湯頭勁鮮甜，入面隻蝦好足料，皮薄餡靚，食落超滿足。🦐 海膽酥脆墨魚餅墨魚餅炸到金黃香脆，入面墨魚膠好彈牙，再配埋面頭嘅海膽，鮮味即刻level up！口感同味道都好豐富。🐔 精緻金魚餃賣相超可愛！金魚造型好精緻，蝦餃皮晶瑩剔透又煙韌，蝦肉爽甜，打卡一流之餘又好食。🦀 脆皮軟殼蟹拉腸粉估唔到腸粉可以咁樣配！軟殼蟹炸得好香口，包喺滑捋捋嘅腸粉入面，一軟一脆，口感好有驚喜。🐷 家嫂陳醋小籠包小籠包皮薄多汁，咬開有香濃嘅肉汁，配埋陳醋一齊食，可以中和油膩感，味道層次即刻提升。其他推介：黃山毛峰: 茶味清香，用嚟配點心一流。南美黐線蘿蔔糕: 蘿蔔糕煎得好香，食到一絲絲蘿蔔，真材實料。雪燕蛋白燉椰皇: 飯後甜品必食！原個椰皇上，蛋白好滑溜，帶有淡淡椰香同雪燕，滋潤養顏。