影片
更多
2022-04-25
526 瀏覽
餐廳：家味蔬食 (觀塘)地址：觀塘成業街19-21號成業工業大廈5樓29號舖素食文化真係好值得被推廣同跟從，畢竟當我哋食得愈素，對身體、動物、生態環境同環保就愈多益處，其實為地球出一分力可以喺咁簡單🌍家味蔬食嘅老闆同樣喺一個致力推廣素食、希望每個人都健康啲、減輕全球暖化問題嘅一個人，佢最想大家都重視環保♻️，令更多人關注素食文化同開始食素嘅習慣💪呢間素食餐廳位於觀塘成業工業大廈5樓，行入去環境唔大，得5張枱，不過私隱度就幾高，包場就最正😎。佢哋中午主打3餸1湯嘅$50素食套餐，而晚市就主要做私房菜，所以一定要預先訂位📞。私房菜按人頭收費，因應食材價格每人$180-$250不等，可以享用1款前菜3個餸、1個湯、1個主食同甜品，前後共6-7道菜，客人提供咩要求都會盡量滿足，例如全素/蛋奶素/想食乜/唔想食乜咁，甚至叫老闆Omakase自由發揮都仲得😆晚市開返即刻嚟試私房菜，未開始有得食，老闆就比咗啲小葉紅茶純素食糖同淨斯本草飲抗疫茶我哋享用住先🫖，另外仲比咗啲餅乾我哋食住等怕我哋肚餓，幾貼心窩心🥰✝️前菜——冷凍芝麻秋葵✝️餸——杏鮑菇扒、烤豆角、糖醋腐皮卷✝️湯——薏米冬菇雪耳腐皮湯✝️主食——餃
地址：觀塘成業街19-21號成業工業大廈5樓29號舖
素食文化真係好值得被推廣同跟從，畢竟當我哋食得愈素，對身體、動物、生態環境同環保就愈多益處，其實為地球出一分力可以喺咁簡單🌍
家味蔬食嘅老闆同樣喺一個致力推廣素食、希望每個人都健康啲、減輕全球暖化問題嘅一個人，佢最想大家都重視環保♻️，令更多人關注素食文化同開始食素嘅習慣💪
呢間素食餐廳位於觀塘成業工業大廈5樓，行入去環境唔大，得5張枱，不過私隱度就幾高，包場就最正😎。佢哋中午主打3餸1湯嘅$50素食套餐，而晚市就主要做私房菜，所以一定要預先訂位📞。私房菜按人頭收費，因應食材價格每人$180-$250不等，可以享用1款前菜3個餸、1個湯、1個主食同甜品，前後共6-7道菜，客人提供咩要求都會盡量滿足，例如全素/蛋奶素/想食乜/唔想食乜咁，甚至叫老闆Omakase自由發揮都仲得😆
晚市開返即刻嚟試私房菜，未開始有得食，老闆就比咗啲小葉紅茶純素食糖同淨斯本草飲抗疫茶我哋享用住先🫖，另外仲比咗啲餅乾我哋食住等怕我哋肚餓，幾貼心窩心🥰
✝️前菜——冷凍芝麻秋葵
✝️餸——杏鮑菇扒、烤豆角、糖醋腐皮卷
✝️湯——薏米冬菇雪耳腐皮湯
✝️主食——餃子
先食嘅喺加咗芝麻喺面嘅冰凍秋葵，口感新鮮爽嫩，蘸埋芥末同豉油一齊食就好似食緊刺身/壽司咁🤣，雖然簡單但幾有驚喜🎉
唔講以為外貌似足吉列豬扒嘅杏鮑菇扒爽甜多汁💦，沾咗麵粉層炸到香脆可口，完全食唔停口😋；
長長嘅豆角捲成好似蚊香咁嘅型狀再串起，
灑上鹽同孜然粉，連埋紅椒、黃椒一齊食，每啖都充滿香烤嘅串燒味，聞到都流晒口水🤤；
糖醋腐皮卷喺咪有啲似韓式炸雞呢，雖然個人就覺得甜咗少少🤏，
但腐皮卷鬆脆得嚟帶有層次感，撈飯食一流👍
湯喺餐廳每日落足心機去煲，今日有薏米冬菇雪耳腐皮湯，飲落有陣陣胡椒香，有啲似平時飲開嘅胡椒豬肚湯🥣，仲一啲味精都無
餃子喺餐廳全人手自家包製，裡面有猴頭菇、椰菜、沙葛同紅蘿蔔🥕，
無論外貌定食落都有啲似黃金蟹粉餃咁🥟，皮薄餡足，呢一餐絕對食得過，食素/想試素食嘅人真喺要嚟訂枱一試🤩張貼
