大圍168串宵

營業中

休息中

夜晚心血來潮想食串燒，而咁岩有次經過見到都幾多人，所以今晚就過左來大圍食佢！入到去只有幾張枱，而且坐滿人，諗住要等位，點知原來樓上仲有一層，非常好彩。我地坐低左就叫左幾樣野食，有原條蒜香茄子🍆、燒牛油雜錦錫紙包、燒翠玉瓜、酒燒蜆、燒豬頸肉、燒墨魚咀同埋海鹽燒安格斯牛柳粒。牛柳粒size係幾大，食落出面果層已經熟晒，入面都好熟，味道一般！翠玉瓜燒得岩岩好，1d都唔乾身，好食!值得推薦！酒燒蜆、燒豬頸肉、燒墨魚咀都燒得好好，好入味！茄子同雜錦包就差小小，真係好多油，如果油份量可以減d就出色啦！值得加分既係order完好快就有野食！下次有機會再來試下其他串燒食物😋