串夠味

營業中

休息中

突然好想飲返杯梅酒配上串燒，天后呢頭都幾多餐廳可以選擇，見到呢間串夠味好多人，於是就決定試試。串燒嘅種類都幾多，仲會有啲特色嘢，例如會有佢哋自家嘅搞乜鬼，係用類似泰國啲肉丸包住油炸鬼，都幾特別，仲有燒雞脾菇、雞腎、牛肉粒、牛舌、多春魚，樣樣都係預期之中嘅水準，幾好味，仲有樣係燒魚干，佢燒得幾好，而且隻味甜甜辣辣咁，配上梅酒真係好正，用嚟裝梅酒嘅壺都好有心思，中間有個通空位裝住啲冰，咁就可以keep住啲酒凍。