串夠味

營業中

休息中

天后的串燒小店以其地道的燒烤風味而廣受歡迎。這裡的串燒以多樣化的選擇和鮮嫩的口感著稱，每一串都在柴炭上烤至恰到好處，帶出誘人的香氣。從雞肉、牛肉到新鮮的海鮮，食材的質量和成熟度都維持得相當高，保證了每一口都能讓人津津有味。調味上，他們家非常講究，用的是傳統的日式燒烤醬料，風味濃郁但不蓋過食材本身的鮮味。餐廳的環境雖然簡約，但是氛圍溫馨，是朋友聚會或是品嚐美味串燒的絕佳去處。總之，這家串燒小店不僅味道出色，並且價格合理，使其成為天后地區美食愛好者的熱門選擇之一。值得一試！在這家天后的串燒小店中，銀鱈魚串燒絕對是值得特別推介的一道菜品。銀鱈魚本身肉質細膩且富有油脂，經過適當的燒烤處理，表皮微焦，鎖住了魚肉的鮮嫩和濃郁的風味。其味道既保持了鱈魚的天然甜美，又帶上一點點炭烤的獨特香氣，是一道讓人一試難忘的佳餚。無論是與朋友分享還是自己獨享，這道銀鱈魚串燒都能完美地滿足對高品質燒烤的期望，是這家小店的亮點選擇之一。強烈建議到訪的食客嘗試！

原來已經5年冇嚟過，今次原班人馬再去，食個痛快。首先我哋一早預訂咗舖頭出邊嘅位置，喺涼風之下食住串燒，一樂也。5人前瘋狂叫嘢食，其實全部食物都達到水準，當中我個人比較欣賞嘅係煷厚切牛舌，燒鱔，燒吞拿魚下巴，同埋鹽燒雞翼。牛舌我哋總共嗌咗4串，食到停唔到口。老闆仲認得我哋，同埋隔籬枱食客一齊有傾有講，好開心，已經好耐冇呢種開心嘅氛圍，值得一讚👍🏻以前我哋好鍾意飲佢嘅龍眼水，唔知係咪年紀大咗😂，今次飲就覺得太甜。另外都叫咗生啤🍺，送串燒簡直絕配。

聖誕行完銅記，帶小朋友玩完維園，行到天后食晚飯。兩公婆自己去食串燒多，但未帶過小朋友去點了些大路的串燒- 雞軟骨- 雞腎- 免治雞肉- 燒三文魚頭- 燒鯖魚- 燒粟米- 熱烏冬- 枝豆- （仲有幾樣唔記得咗）事前沒有特別大期望，也沒特別查OpenRice但看到最後一篇係負評，所以說實想寫一篇中和一下當晚發生嘅兩件小事：1. 因為寒冷，全家人都有羽絨，入到室內比較暖所以除低，我哋都未出口問，唔知係店員定店長經已話：「將啲衫同背囊放喺附近座位吧！等有人嚟再算」頓時覺得舒暢多了～2. 小女話來串燒店食，好似食自助餐，店員聽到話「你咁可愛，又讚我地，下次嚟幫你地打折。」雖然未必係真定講笑，但當晚店員同其他客人既對話，感覺到係做街坊生意居多。同一些街芳有講有笑。價錢公道，人情味濃，其實都值得一試。冇特別相機先食，只有張全家合照😬

首先講下個「霹靂雞錘」一陣冰箱味 食完舊骨都係黑嘅一睇就知雪左好耐「豉油湯烏冬」係我高估左佢 真就係豉油＋乾烏冬煮出黎屋企合埋眼煮都煮得好食過佢「嫩肉藕」肉係酸嘅 蓮藕就普通蓮藕無任何調味「義大利香草羊鞍」放題啲羊架size 仲大舊過佢 味道不過不失「雞軟骨餃子」煎到nong曬 味道都好一般「原隻茄子配櫻花蝦」💰36用左牛油同櫻花蝦 味道還可以「燒豬頸肉」最唔會衰嘅都衰左 豬頸肉真係好難會整得難食「燒白鱔串」全場最好味 你話係咪真係咁好味咧但同其他食材對比 燒鰻魚應真出色人均220 真係全程黑面食曬

天后本身有好多唔同嘅串燒店，串夠未算係比較平價、平民嘅串燒店。食材比較香港地道，與平常日本式串燒店不同。可以同朋友食住串燒，飲下清酒、啤酒，大大聲聲傾吓計享受吓街邊文化。當然更可以一個人同自己浪漫下…

嚟到天后，見到有一間傳銷叫做串夠味，坐入去試吓，記得好耐之前去隔離有一間叫做串串貢，應該係兄弟店不過而家就得返一間。我記得佢哋最好食嘅就應該係花魚一夜干，算抵食，60幾蚊有燒海鮮，味道唔差，不過其他串燒只可以算係不過不失，冇乜嘢太大嘅特色，串燒有時都係貴夾唔飽嘅嘢食，呢度嘅好處就係可以$25叫一碗冷烏冬，叫做打個底食飽咗先。嘢食嘅種類都算叫做OK，燒雞翼雞用牛脷牛肉半嗰啲算係基本嘢，叫咗翠玉瓜，不過好似未燒熟，所以有少少生生地嘅感覺，鹽燒雞翼算係高水準之作，燒飯團都叫做可以，其他就真係不過不失冇乜特別，但係都唔係話失手。宵夜係OK嘅，不過冇乜大衝動翻食。間唔中一餐半餐冇問題。

10點之後可以選擇的餐廳不多，在天后看到這間串燒店，見不少客人就進去食個宵夜。【韮菜苖】伏到不行，完全不似燒過，連韮菜的味道都沒有，用來調味的只有辣椒粉，已經剪到分開兩半，還是很難咀嚼，世界級中伏。【燒茄子配櫻花蝦】因為不吃櫻花蝦，所以走了，本身以為燒茄子沒有難度，又高估了，這是短身肥胖那種茄子，比較爽口，但烹調失當，茄子根本未熟，再是旦加些洋蔥汁，配搭奇怪，醬汁又不入味，浪費茄子。【燒雞肉】咁都可以失手，整串雞肉都是鞋口到不能嚼爛的雞胸肉，表皮是微焦的，但味道完全沒有燒烤香味！【雞肶菇】中規中矩，可以吃下。【雞肝】不要試！點了六款食物，有四款可以評為極之難吃，真的大失所望，串燒真是不難做得好吃，但要做到如斯難吃，都數一數二了。

突然好想飲返杯梅酒配上串燒，天后呢頭都幾多餐廳可以選擇，見到呢間串夠味好多人，於是就決定試試。串燒嘅種類都幾多，仲會有啲特色嘢，例如會有佢哋自家嘅搞乜鬼，係用類似泰國啲肉丸包住油炸鬼，都幾特別，仲有燒雞脾菇、雞腎、牛肉粒、牛舌、多春魚，樣樣都係預期之中嘅水準，幾好味，仲有樣係燒魚干，佢燒得幾好，而且隻味甜甜辣辣咁，配上梅酒真係好正，用嚟裝梅酒嘅壺都好有心思，中間有個通空位裝住啲冰，咁就可以keep住啲酒凍。

經過天后清風街一帶，唔係好肚餓，但又想食啲野，所以就同丫梁入左去呢間串燒舖🍢試一試。入到黎坐，環境黎講麻麻，坐得好迫，同隔離枱好近。另外我地坐嗰張枱個串燒竹籤筒，仲有上一手留低嘅垃圾😩張梁點餐👦🏻👧🏻 1）$25 原條牛油粟米 (椒鹽) 🌽評分（10分滿分）：7️⃣食評💬：大大條粟米，唔會太鹹夠爽口，椒鹽未夠惹味！2）$25 免治雞肉串 (兩串)評分（10分滿分）：7️⃣食評💬：有雞軟骨，口感特別。3）$14 脆肉翠玉瓜 (兩串)評分（10分滿分）：6️⃣食評💬：切碎到好細位，口感無咁好，偏喊。4）$24芥辣豬頸肉 評分（10分滿分）：7️⃣食評💬：燒得好彈牙，唔錯！5）$18 熱烏冬(豉油湯)評分（10分滿分）：6️⃣食評💬：飽肚之選

每次想食串燒🍢都會諗起呢間喺天後價錢ok親民嘅小店🏚。環境係有啲少逼👩‍👩‍👧‍👦，但好食就得啦😋！款式都比較齊💯（至少我鍾意嘅都有🥳），推介燒🐔雞軟骨同🐔雞皮，燒到好香口，麻麻地雞中翼串亦幾特別，真係完全唔辣❌，整係會麻麻地，岩曬我呢啲食唔倒辣嘅人🤗，不過大部分野調味偏鹹🧂，一路食都要一路飲野🍻另外鍾意有咬口嘅可以試下燒年糕，最面嗰浸脆脆地入面就係平時超有韌性嘅年糕😍😍最後最後❗️有機會去一定要試🍪夾心餅棉花糖🍡啊！！食完啲鹹串燒食番啲甜甜地🍬嘅嘢中和番，棉花糖好似平時bbq燒溶左嘅啲咁，同夾心餅一起燒好夾，拉絲拉到好高🤪為晚餐畫上完美句號⭕️

突然想食串燒 但香港食串燒好多地方都好貴 ，天后依間 價錢 ok 我哋食咗厚燒牛脷 ，牛脷好多汁 ，厚厚的， 口感好好 另外我好鍾意食佢個沙爹牛肉丸， 個汁好好食 ，牛丸好結實， 好有咬口 。跟住一定要食原個燒蒜頭 ，蒜頭好多汁 唔好以為好重口味 ，其實好清甜， 食完唔會口臭 。跟住燒三文魚頭 ，大大嚿 ，食完都夠你飽 。佢仲有個燒牛柳 ，好香酒味 ，甜甜的。食物質素就唔係話最最頂級， 但係咁嘅價錢不過不失啦 。星期一 七點零鐘 去到 唔使book枱 地方細細，都坐滿人 ，所以 都幾逼 。同朋友就傾唔到秘密㗎啦 不過食下串燒，飲幾杯 ，吹吹水， 又平平哋 …都算係咁啦。

呢間小店既串燒質素大部份都好一般，不過價錢合理，希望食物質素會改善。而且座位較少，想去嘅話BOOK定位會好啲。我係啲相到有部份都打咗啲COMMENTS，大家可以參考下~-BTW我絕對唔建議大家係呢度叫燒海鮮！！！因為都質素幾差😵香茅蝦得個樣冇乜味亦冇香茅味，燒帶子好一般，特別要講下個鮑魚，完全吾似鮑魚既質感，好失望😞不過呢，好彩海鮮類佢個銀鱈魚整得幾好，又滑又入味！👍🏻-鍾意食串燒嘅不彷嚟試下，雖然食物質素大致上都只係一般，但都有幾樣野係幾有驚喜嘅。

一聽餐廳名「串夠味」，都知夠串，無論人定食物多年前在清風街細細間開始，現在已經有兩間店，依然保持水準。極力推介蒜蓉法包（$25），我每次都食兩份，麵包非常極之香脆燒鱔（$50），雖然不是極之肥美，以這個價格，又大份，抵食照燒豬頸肉（$24），夠爽口沙嗲辣牛丸（$20），牛丸好彈牙薄荷羊鞍（$60），夠諗，不重羊味鹽燒油金魚鮫（$68），魚皮好脆，魚肉好嫩厚牛舌（$40），夠juicy麻麻地雞中翼（$22），少少麻味，唔辣鹽燒雞軟骨（$22兩串），軟骨夠脆薄牛舌（$20），唔夠諗免治雞肉串（$25），一般店舖雖細，但可以選擇坐室外，別有一番風味

首先我要講呢間餐廳嘅串燒非常之唔錯，非常之好食。但係餐廳入面有位男性嘅服務員態度就實在係令人不可恭維啦。我们几个月前第一次光顾這家餐廳的时候，服務态度已经非常的不好。 兩個星期前我哋諗既然啲嘢咁好食，不如畀多次機會佢啦，但係又一次令我哋非常之失望。一入到去餐廳因為枱有啲唔穩，我哋麻煩佢嘅同事睇下可唔可以整一整。佢企在旁邊不但止冇幫我哋，仲兜口兜面出口侮辱我哋，話"食幾百蚊嘅嘢，唔好咁多要求". 嬲到我哋即刻拍枱走人!咁樣嘅服務態度, 無論啲嘢幾好食，我哋都唔會再去幫襯㗎啦。

喺朋友屋企附近搵嘢食，想飲下酒，吹下水，大家又唔算好肚餓，行吓行吓見到有串燒，又有清酒價錢，又唔貴所以入咗試食。坐低揀完嘢食，上菜速度都正常。叫咗清酒啦，雞翼啦，雪魚干啦，雞泡魚干啊，安格斯牛串啦。。。整體來講啲嘢食都正常OK嘅。