更多
2018-05-30
3457 瀏覽
今日個客請我同我啲同事食晏。好彩我哋都可以喺Spiga訂到位。之前有幾次 lunch 都訂唔到位。今日,佢仲俾咗間房我哋添。間 private room 上邊有好多植物嘅佈置,一層層幾特別。間餐廳整體佈置非常之好,modern design得來又唔會太簡單,但係又唔會覺得有俗氣。有啲高尚嘅感覺,好似一啲豪宅示範單位嘅裝修。特別想講下吧枱嗰度,有啲可以放小擺設嘅位置,裏面放咗一啲好舊嘅玩具古董,可能係50年代嘅玩具,估唔到會係呢度見到一啲玩具古董。啲裝修都真係有啲心思。我哋一坐低,侍應就走埋嚟問我地需唔需要較大個啲冷氣,隔咗一陣就問我地叫得未,但係因為我哋掛住傾計所以叫佢俾多啲時間俾我哋。再隔一陣佢又過嚟問我地需唔需要介紹一下個餐牌,客人第一次來,所以就叫咗佢介紹。我就叫咗沙律自助餐HK$188再加HK$90 嘅牛扒。晏晝佢哋有做沙律自助餐 salad buffet,但係呢個沙律自助餐唔係剩係得菜,有芝士、Parma ham、salami、湯、等。而且菜都有好多選擇,有啲沙律我都未試過食。特別想推介一下幾樣我哋覺得要試吓嘅嘢:薯仔波croquette,我食第一粒嗰陣時係已經放咗喺度好耐,
間餐廳整體佈置非常之好,modern design得來又唔會太簡單,但係又唔會覺得有俗氣。有啲高尚嘅感覺,好似一啲豪宅示範單位嘅裝修。特別想講下吧枱嗰度,有啲可以放小擺設嘅位置,裏面放咗一啲好舊嘅玩具古董,可能係50年代嘅玩具,估唔到會係呢度見到一啲玩具古董。啲裝修都真係有啲心思。
我哋一坐低,侍應就走埋嚟問我地需唔需要較大個啲冷氣,隔咗一陣就問我地叫得未,但係因為我哋掛住傾計所以叫佢俾多啲時間俾我哋。再隔一陣佢又過嚟問我地需唔需要介紹一下個餐牌,客人第一次來,所以就叫咗佢介紹。我就叫咗沙律自助餐HK$188再加HK$90 嘅牛扒。
晏晝佢哋有做沙律自助餐 salad buffet,但係呢個沙律自助餐唔係剩係得菜,有芝士、Parma ham、salami、湯、等。而且菜都有好多選擇,有啲沙律我都未試過食。
特別想推介一下幾樣我哋覺得要試吓嘅嘢:薯仔波croquette,我食第一粒嗰陣時係已經放咗喺度好耐,所以外邊林左。第二粒就啱啱出爐,所以外面仍然係脆脆地,唔使我同你講你都應該會估到邊一粒好食啲啦。佢裏便有啲火腿所以咬落都好香口,其實仲咸咗啲,但係俾到驚喜我,因為我以為薯仔波裏便大部份嘅料都係薯仔,但係呢一個唔係。
之後要介紹嘅就係鴨胸,食落去啲肉質都幾滑,完全唔乾。味道亦很好。
另外,豬肉片同Parma ham,都唔錯,豬肉片上有啲汁,令到佢冇咁嚡。Parma ham,就不嬲都係我嘅至愛,佢食起嚟都唔會太鹹。
我想講下個硬芝士,本來其實冇乜特別,不過呢啲硬芝士其實應該係放咗一段時間去 age。因為我食到佢有啲 cheese crystal 。同其他嘢都一樣,如果要放一段時間先至買到出嚟嘅嘢,一定係值錢過即刻拎出嚟買嘅嘢。所以我想講嘅就係,係硬芝士之中你可以睇到餐廳對食材都有所要求,唔會因為係沙律自助餐就俾啲行貨俾你食。
藜麥沙律 Quinoa salad,之前好少接觸到,不過都聽過人講話係 super food,所以我兩次都有攞到藜麥沙律,唔可以話好好食,不過有啲咬口,同埋重點係佢非常有益。
芝士釀番茄仔,幾特別,係我嘅客人嘅推介。佢話樣咁細粒嘅蕃茄,係一啲手工嘅餸菜,要花一定時間去製成。所以一定要試吓。
最後要講一個同我以前喺印尼餐廳經常食嘅甜品有一啲似嘅黑糯米沙律。小弟真係孤陋寡聞,第一次食用黑糯米做嘅沙律。感覺幾特別,不過我都係鍾意食芒果黑糯米多一啲。
食完沙律就嚟咗牛扒,牛扒一般。雖然係我叫緊 medium rare 但係塊牛扒流血,加上佢一啲都唔林,唯一可取之處就係有肉味。
總結
- 整體佈置非常之好,modern design得來又唔會太簡單,有啲高尚嘅感覺,好似一啲豪宅示範單位嘅裝修
- 吧枱嗰度擺咗一啲可能係50年代嘅玩具
- 侍應招呼周到,有禮貌
- 推介:薯仔波croquette、鴨胸、豬肉片、Parma ham、硬芝士、藜麥沙律 Quinoa salad、芝士釀番茄仔
- 可以一試:黑糯米沙律
- 牛扒一般
沙律自助餐
$188
197 瀏覽
1 讚好
0 留言
沙律自助餐
$188
185 瀏覽
0 讚好
0 留言
沙律自助餐
$188
132 瀏覽
0 讚好
0 留言
沙律自助餐
$188
118 瀏覽
0 讚好
0 留言
牛扒
$90
88 瀏覽
0 讚好
0 留言
張貼