茶涮涮 (已結業)

朋友話想試下呢間新開嘅日本菜，見網上未有任何食評（睇嚟真係好新），都驚會中伏🤣🤣 點知，唔伏不特止，仲認真好食添😋😋😋 一去到就見到餐廳門口好靚😍 做咗個水泥牆，感覺有啲似我喺日本見到嗰啲隱世餐廳🍴咁😆定食全部都包前菜、沙律同埋味噌湯💁🏻‍♀️ 蟹肉沙律🥗都幾大碗，調味比例均勻，蟹肉鮮甜多汁😋 前菜個漬物牛蒡超爽脆，仲非常入味👍🏻我叫咗個鹿兒島A5和牛塔塔定食（$268），淨係聽個名都流晒口水💦 和牛色澤鮮嫩，食落口感綿密牛脂香十足，份量都好夠送飯👏🏻 真係令我回味無窮🤤💭朋友就叫咗照燒日本元氣走地雞定食（$138），燒到外酥內軟嘅雞肉依然鬆厚十足，配上軟糯分明嘅白飯，正！😍👍🏻