別忘了

營業中

休息中

話說午餐陪朋友食晏，佢話想打邊爐，但午飯得一個鐘，咁就揀左去忘不了食個定量火鍋，一份牛肉加自助區任食。點左🐂紐西蘭草飼牛套餐$118，湯底要揀左🍲葯饍當歸湯同🥥椰子雞湯，點完湯底就安排入坐，靚靚櫻花枱比人坐晒啦，坐左後排的方枱，啲位幾濶方便出入，拎野食都好近。湯底好快到左，放一陣就滾，個爐都算猛火😆葯饍湯葯材味不算濃，但都幾鮮味，椰子雞超香椰子味，個人偏愛呢款湯底多啲。牛肉都好快上，雖然無雪花色調，但食起上黎都好滑，都幾有牛味😋自助區有多款台式丸類、豬血糕、蛋餃等，蔬菜都好多款，而且refill得快。醬料區亦很齊全，同埋好乾淨，無啲醬料周圍滴😆飲品用qr code落單，有多款台式飲品，仲有少冰無糖等選擇，個qr code介面做得好好。最後就係唔少得嘅甜品啦，同樣用qr code落，有芋圓仙草、綿綿冰、窩夫等，窩夫仲寫明用蘭王蛋整㗎😍食左好多野好飽呀，呢個價錢幾抵食吖。