譽 鐵板燒

營業中

休息中

元朗食高級料理嘅餐廳越來越多，今次揀咗依間鐵板燒店，試一試「和」二人前套餐，非常滿意！沙律有日本白粟米、包住蘆筍嘅parma ham、哈蜜瓜同埋車厘茄🥗 前菜係磯粒貝同埋松葉蟹肉拌蟹膏🦀 北海道帆立貝🍽刺身級嘅帆立貝肉質細嫩，加上三文魚子同黑松露點綴，配上海膽忌廉汁，充滿海洋風味🌊鹽燒南非鮑魚🧂鮑魚肉質爽彈，以鹽帶出鮑魚嘅鮮甜，肝醬濃郁惹味😋喜知次🐟喜知次皮脆肉嫩，配搭嘅明太子醬甚有驚喜，食落不但冇平時咁鹹，仲多咗一股香甜，問一問師傅原來整明太子醬嘅時候加咗洋蔥等蔬果。食完油份較重嘅喜知次，可以食旁邊嘅龍珠果清一清口腔，迎接下一道菜式！沙巴大虎蝦🦐蝦肉緊緻彈牙，師傅即場取出蝦頭嘅蝦膏再加牛油、醬油等調味，香氣洋溢，充分引出食材嘅天然味道👍👍鵝肝🍽煎香嘅鵝肝放係多士上，真係流曬口水🤤今日嘅特定牛肉係美國封門柳，師傅會先問下客人鍾意嘅生熟度，爆多肉汁而且富牛味🥩 魚湯🥣魚湯足料熬製，鮮甜無比!!!炒飯🍚炒飯粒粒分明，飯粒同配料混合得宜，盡顯師傅功力焦糖多士🍞柚子雪葩🍨